Portada Educación Entama un cursu online d’asturianu pa emigrantes

Entama un cursu online d’asturianu pa emigrantes

by asturnet

Hasta esti 15 de payares del 2013 ta abiertu’l plazu de matriculación nel cursu a distancia de llingua asturiana «Falar y más falar» pa les comunidaes asturianes nel esterior. Esti cursu, coorganizáu pol Conseyu de Comunidaes Asturianes y el Gobiernu del Principáu d’Asturies (al traviés de les sos direcciones xenerales de Política Llingüística y Emigración) va permitir que los emigrantes asturianos y los sos descendientes puedan participar nun cursu on line d’asturianu, de gran calidá didáctica, tecnolóxicamente novedosu y coordináu dende Asturies.

El cursu, de 60 hores de duración, tien una orientación práctica y quier animar, pente medies de numberosos exercicios y situaciones, al usu oral y escritu de la llingua asturiana. Recueye los rudimentos y normes básiques de la correcta escritura del asturianu y fai posible un acercamientu prácticu al so usu n’ámbitos cotidianos: el trabayu, el mediu urbanu, los viaxes o les nueves tecnoloxíes. Les persones inscrites van disponer de profesoráu on line con tutoríes personalizaes y afeches al so nivel de conocencia al traviés d’internet.

Los asturianos residentes nel esterior que quieran participar pueden unviar la fueya d’inscripción a la dirección de corréu electrónicu opll@asturias.org hasta’l 15 de payares.

Tamién te podria gustar