El xuegu en llínea de Pedro Menéndez va tar disponible hasta’l 15 de xunu

El xuegu en llínea dedicáu a Pedro Menéndez va tar disponible dende güei llunes 15 d’abril en www.desafiopedromenendez.es. Con un formatu similar al del “Trivial”, va constar de 110 entrugues y va tar disponible hasta’l 15 de xunu.

A partir de güei llunes, y hasta el 15 de xunu, el xuegu “Desafíu de Pedro Menéndez” va poner a prueba les conocencies de la ciudadanía avilesina sobro’l marín. Tratar d’un xuegu en llínea impulsáu pola Conceyalía de Cultura pa contribuyir al espardimientu de la hestoria y la figura del marín nel so quintu centenariu.

Toles persones que participen van recibir un Cómic de Pedro Menéndez que van poder recoyer nel Muséu de la Hestoria Urbana d’Avilés. Quien llogre resolver correchamente más del 60% de les entrugues va entrar amás nel sortéu d’entraes pa representaciones nel Teatru Palacio Valdés y conciertos na Factoría Cultural. Ye imprescindible tener más de 14 años para utilizar el xuegu.

El formatu del xuegu ye similar al del popular “Trivial”: va constar de 110 entrugues pa les que se van ufiertar cuatro respuestes de les que solamente una va ser correcta. Pa participar ye necesariu aportar a www.desafiopedromenendez.es con un teléfonu intelixente, tableta o ordenador y ye imprescindible ser mayor de 14 años.

Una vegada aportaren a la web, van tener que responder les entrugues que plantegue la plataforma. Cada respuesta correcta va otorgar 1 puntu y una vegada rematáu’l cuestionariu completu va unviase un avisu al teléfonu móvil de la persona participante por qu’allegue al Muséu de la Hestoria Urbana d’Avilés a recoyer el cómic del V Centenariu, col que se va agasayar a toles persones que participen, independientemente del númberu de respuestes correctes qu’atropen.

Amás, quien contesten correchamente un mínimu del 60% de les entrugues, van entrar nel sortéu de delles entraes pa representaciones nel Teatru Palacio Valdés y conciertos na Factoría Cultural.

L’oxetivu d’esta iniciativa ye informar a la ciudadanía, especialmente a les persones más nueves, sobro la figura de Pedro Menéndez d’Avilés ya incidir na innovación nos procesos educativos por aciu la gamificación y l’usu de les tecnoloxíes de la información.