El Sindicatu d’Estudiantes llama a la fuelga’l 13 y el 14 d’abril

El Sindicatu d’Estudiantes llama a faer fuelga en tolos institutos y universidaes d’España los próximos 13 y 14 d’abril pa reclamar al nuevu Gobiernu la derogación inmediata” de la Lomce y el fin de los retayos na enseñanza.

Asina lo espresaron esti miércoles, frente al Ministeriu d’Educación, representantes del colectivu más numberosu d’alumnos de Secundaria y Universidá que denunciaron que, a pesar de qu’entá nun se formó’l nuevu Gobiernu, hai “millones d’estudiantes que siguen sufriendo los efectos de los retayos”.

“La situación de la educación ye acaldía peor. Plantegóse un cambéu de Gobiernu pero la Lomce sigue a valir, siguen los retayos y los estudiantes nun podemos esperar nin un minutu más, la situación pa nós ye crítica”, denunció aL MUNDU Ana García, voceru del Sindicatu d’Estudiantes. Esti colectivu ta bien decepcionáu col líder del PSOE, Pedro Sánchez, que prometió derogar darréu la llamada ‘Llei Wert’ si gobernaba y que, nes sos últimes ufiertes de negociación, camudó de paecer: quier dexar en suspensu la polémica norma pero nun derogala.

Decenes de miles d’estudiantes tán llamaos a una fuelga de Secundaria, Bachilleratu y l’Universidá en toles comunidaes autónomes. Va Haber paros, manifestaciones, encierres nos centros educativos, asamblees y piquetes. El organizadores quieren sumar a la so convocatoria a los sindicatos de profesores y a les asociaciones de padres.

La última fuelga d’alumnos produciose en marzu de 2015, contra’l decretu del 3+2 y, l’anterior, en febreru. Desque gobierna’l PP, el Sindicatu d’Estudiantes entamó en total 20 xornaes de fuelga.