El Sindicatu de Periodistes pide investigar agresiones

La Federación de Sindicatos de Periodistes (FeSP) encamentó esti día al Ministeriu d’Interior pa abrir una investigación “poles agresiones que sufrieron siquier seis fotógrafos” per parte de dellos policías antidisturbios el sábadu 29 de marzu en Madrid, mientres realizaben el so trabayu informativu nuna protesta ensin autorizar convocada col lema ‘Jaque al Rei’.

Según el coleutivu periodísticu, nos vídeos espublizaos por dellos medios de comunicación pue vese que dellos axentes de la Unidá d’Intervención Policial (UPI) emburriaron a dellos fotógrafos y, amás, nun-yos dexaron ayudar a otru fotógrafu que cayó y permanecía baltáu nel suelu.