‘El reinu’, con 13 nominaciones, ye la gran favorita pa los Goya 2019

El reinu, la película sobro la corrupción política empobinada por Rodrigo Sorogoyen, ye la gran favorita a la 33 edición de los premios Goya con un total de 13 nominaciones, ente elles meyor película, director y guión.

Sígenla’l fenómenu Campeones (11), de Javier Fesser; la hestoria d’amor ente dos xitanes Carmen y Lola (8) que supon l’esitosu y polémicu debú nel llargumetraxe de Arantxa Echevarria, y la primer incursión del oscarizado director iranín Asghar Farhadi en territoriu español, tamién con ocho menciones. Estos cuatro filmes opten al galardón más importante de la velada, el de meyor película, xuntu a Ente dos agües, de Isaki Lacuesta, xuna emotiva propuesta hiperrealista que se fixo cola Concha d’Oru nel festival de San Sebastián y qu’aspira en total a dos cabezonos.

Quién te cantará, de Carlos Vermut, tien siete nominaciones, La solombra de la llei cunta con seis, la mayoría técniques, L’home que mató a Don Quixote, la película maldita de Terry Gilliam, foi bendicha con 5 menciones y Viaxe al cuartu d’una madre y El fotógrafu de Mauthausen empaten a cuatro. Sospriende que Petra, el relatu de Jaime Rosales sobre xuna artista envuelta nuna espiral de secretos familiares, nun haya consiguíu nin xuna candidatura.

El reinu, que nun tuvo muncho ésitu en taquilla, pero que cuntó col beneplácito de la crítica en proyectándose nos festivales de Toronto y San Sebastián, vio asina compensada una hestoria necesaria sobro les maturrangues de la política española inspirada nos recién casos de corrupción del PP. Con guión del propiu Sorogoyen ya Isabel Peña, el filme parte tamién como favoritu nes nominaciones de los premios Feroz qu’otorguen el informadores de cine.

Campeones, que partía como una de les favorites en llogrando más de 19 millones de recaldación na taquilla y 3,2 millones d’espectadores, ye la candidata española al Oscar a la meyor película de fala non inglesa y foi la gran sorpresa del añu al cuntar una hestoria emotiva ente un segundu entrenador d’un equipu de baloncestu (Javier Gutiérrez) que, en provocando un accidente de coche, una sentencia xudicial oblígalu a entrenar a un equipu de mozos con discapacidá intelectual.