El rector reconoz diferencies ente rexones na EBAU

El rector de la Universidá d’Uviéu afirmó esta selmana qu’hai delles diferencies ente les comunidaes tocantes a los conteníos de la EBAU (Evaluación de Bachilleratu p’Accesu a la Universidá), pero Santiago García Granda nun ye partidariu de baxar el nivel de la enseñanza asturiana.

Santiago García Granda amosó la so opinión favoratible a que’l restu les comunidaes algame los estándares rexonales, anque matiza que ye una decisión que tien d’adoptase a nivel estatal. Alumnos del Principáu tán movilizándose p’amenorgar el temariu d’Hestoria, más ampliu que n’otros llugares d’España.