El programa de formación tresversal pal emplegu trata’l resolvimientu de conflictos

Sigue’l programa de formación tresversal pal empléu puestu en marcha pol Conceyu d’Avilés y la segunda fase, dedicada al resolvimientu de conflictos, va llevase a cabu ente’l 14 y el 17 de noviembre.

Tratase d’una acción formativa empobinada a persones que tán buscando emplegu, que se lleva a cabu con una metodoloxía práctico y afecho al grupu. Tienen una duración de 15 hores, n’horariu de mañana y realícense na Escuela d’Entamadores y Empresaries d’Asturies (Avenida d’Uviéu, 9) de 9 a 13 hores.

Como actividá complementaria van celebrase dos charres abiertes al públicu ya impartíes por espertos, que van cuntar la so esperiencia nel mundu profesional y la so visión respecto a la tema correspondiente. Nesta ocasión son los siguientes:

Resolvimientu de conflictos:
Carlos Hevia, profesor, empresariu y coach. 15 de noviembre
María Luisa de Miguel, coach executiva, mentora y formadora 17 de noviembre

El programa de formación tresversal pal empléu, entamáu pol Serviciu de Formación y Emplegu del Conceyu d’Avilés pretende dar respuesta a les necesidaes detectaes ente les persones desemplegaes d’Avilés  coles mires d’ameyorara la so empleabilidá. “Estes acciones formatives traten de desenvolver les capacidaes, habilidaes, traces de conducta, mañes y conocencies qu’al pie de la preparación formativa y l’esperiencia llaboral, son clave  a la d’atopar un empléu”, en palabres del conceyal d’Emplegu, Manuel Riola.

Les primeres actividaes del programa lleváranse a cabu la última selmana d’ochobre y tuvieron dedicaes a la creación d’una marca personal na busca d’empléu. Finalmente, ente’l 12 y el 15 d’avientu celebraranse les últimes sesiones, que van tratar sobre la creatividá pal emplegu.