El profesoráu retoma les protestes por que se amenorguen les hores lectives

Más d’un centenar de profesores de Secundaria y FP, y tamién de Primaria, axuntáronse esta selmana pasada nel IES Doctor Fleming d’Uviéu para retomar la reivindicación de volver a les 18 hores lectives en Secundaria y a les 23 en Primaria. L’aumentu a 20 y 25 hores nes dos etapes educatives foi una decisión qu’adoptó’l Gobiernu central en 2012 dientro de les midíes para la racionalización del gastu públicu. «Sicasí, el ministru d’Educación y vocera del Gobiernu diz qu’España va meyor y preguntamos por qué’l conseyeru nun considera que los alumnos asturianos merecen la mesma dedicación que los d’otres autonomíes, que yá volvieron a les 18 hores».

Creen que ye «solo una cuestión de dineru» y que si’l conseyeru fuera «más flexible», podríen dedicar más tiempu a sofitar a alumnos que lu precisen y entamar actividaes complementaries y extraescolares. Por eso, plantegen una movilización antes de Selmana Santa y una concentración pa dempués d’eses feches.