Portada Educación El profesoráu asturiano pide aules de 15 alumnos d’Infantil a Bachilleratu

El profesoráu asturiano pide aules de 15 alumnos d’Infantil a Bachilleratu

by redacción asturnews

El profesoráu asturiano pide aules de 15 alumnos d’Infantil a Bachilleratu, más personal y mayor inversión, a poco más d’un mes y mediu del entamu del cursu, y cuando Educación empieza la negociación d’un borrador que refuguen toles centrales sindicales, como vienen amosando esta selmana en dellos comunicaos.

Grupos de quince alumnos en tolos niveles educativos, dende Infantil a Primaria y, poro, desdoble de prácticamente toles unidaes, más plantiya, más formación, equipos informáticos pa profesoráu y alumnáu, regulación del teletrabayu, un mayor presupuestu, organización de los recreos y los comedores escolares dende la mesma conseyería… Son les más importantes pero non los únicos pidimientos que los sindicatos docentes punxeron ayeri sobre la mesa. A un mes y medio del entamu del cursu (arrinca’l 1 de setiembre de forma oficial, anque les clases empiecen el 10), la Conseyería d’Educación abrió ayeri la negociación colos sindicatos pa diseñar el nuevu cursu, complicáu como nunca, ante la necesidá de convivir col coronavirus.

La negociación parte del borrador presentáu esta mesma selmana pola conseyería, qu’establez básicamente un cursu presencial, con aules d’hasta 20 alumnos hasta cuartu de Primaria, pa lo que va contratar a 400 profesores más. El restu de niveles van siguir coles mesmes ratios (hasta 33 estudiantes en Bachilleratu) y refúgase la enseñanza mista presencial y telemática. Amás, decidióse que los fondos estraordinarios pa Educación que va tresferir el Gobiernu destínense íntegramente a la enseñanza pública. Y esto postrero ye prácticamente lo único que gustó a los sindicatos.

SUATEA ellaboró’l so propiu ‘Plan de choque educativu’, que pasa, ente otres munches cuestiones, por rebaxar les ratios a 12 ó 15 alumnos per aula, amenorgamientu de la xornada lectiva, ferramientes pa poder trabayar a distancia, formación nel usu de nueves tecnoloxíes, y un llargu etcétera de propuestes. CSIF criticó que les midíes sanitaries y d’organización son insuficientes pa garantizar la seguridá nes aules» y pide «desdoblar aules en tolos niveles. Igual que CC OO, que señala otra de les esmoliciones: que se dexara en manos de los equipos directivos la organización de cuestiones esenciales como los recreos. CC OO propón que puedan salir per llínea (primero A, segundu A, terceru A)… pa garantizar que los alumnos d’un mesmu cursu nun se rellacionen.

UXT cuestiona por qué se van contratar 400 profesores cuando’l presupuestu previstu daría pa cuntar con 800 y llamenta que les decisiones lleguen demasiao tarde. ANPE foi bien crítica cola xestión de la conseyería.

Tamién te podria gustar