El procedimientu y feches pa inscribir nos colexos tará’l 15 de mayu

El procedimientu y feches pa inscribir nos colexos tará disponible’l 15 de mayu pa que la solicitú de plaza pueda realizase de forma ‘online’ al traviés d’una nueva aplicación que va poder usase nel teléfonu móvil.

«Aplazada la presentación de solicitúes para la inscripción del alumnáu nos centros educativos». La Conseyería d’Educación alvierte na so páxina web de daqué que yá alvirtiera: que al igual que tolo demás tamién ta suspendíu’l procedimientu para la presentación de solicitúes para los pequeños de trés años que tienen d’incorporase al sistema educativu. La situación afecta tamién a los estudiantes que quixeren camudar de centru, especialmente a munchos de cuartu de la ESO, que se treslladen para’l Bachilleratu.

A partir del 15 de mayu, anuncia Educación, va publicase tantu’l nuevu calendariu como’l procedimientu. Nesti sentíu, Educación pretende que la solicitú de plaza pueda realizase de forma ‘online’ al traviés d’una nueva aplicación que va poder usase nel teléfonu móvil.