Portada Música El prestixosu pianista Larry Willis actua esta nueche nel ciclu “Jazz en el centro”

El prestixosu pianista Larry Willis actua esta nueche nel ciclu “Jazz en el centro”

by asturnet

Esti miercoles va continuar el ciclu “Jazz en el centro”, que lleva delles propuestes de jazz al Centru de Cultura Antiguu Institutu de Xixón. cola actuación del tríu de Larry Willis, un de los pianistes y compositores más solicitaos de la escena jazzística internacional. La cita cola formación niuyorquina, que completen el contrabaxista Miguel Ángel Chastang ya’l baterista Juanma Barroso ye a les 20:00 hores con entrada llibre.

Larry Willis ye un de los artistes más prolíficos dientro del so xeneru. Formáu na escuela de música Manhattan, tien más de 300 collaboraciones en trabayos de xente tan importante como Dizzy Gillespie, Jackie McLean, col que tocó davezu duran munchos años, o Lee Morgan. Tamien foi teclista na banda de rock y blues Blood, Sweet & Tears durante siete años.

Tamién te podria gustar