El plan independentista escoces caltién la llibra y la xefatura del Estáu

El ministru principal, líder del Partíu Nacional Escocés (SNP), dexó claro esta selmana que los impuestos escoceses nun van gastase en programes nucleares y que los misiles nucleares de Reinu Uníu van retirase d’Escocia, pero tamién qu’una Escocia independiente caltendría la llibra británica como moneda, tamién a la reina como la Xefa del Estáu.

Los planes del gobiernu pasaríen por caltener a Escocia como miembru de la Unión Europea pero col so propiu exércitu y autonomía económica dafechu pa recaudar los sos impuestos.

Los planes desplicolos esti martes el ministru principal escocés, Alex Salmond, nun informe de 670 páxines, que quier convencer a los escoceses de que voten a favor de la independencia nel referendu del 18 de setiembre del próximu añu pa romper la so unión con Inglaterra de 306 años, entamada cola derrota militar del Reinu d’Escocia.