Portada Comunicación El Ministeriu d’Industria investiga si la TVG ‘coloniza’ territoriu asturianu

El Ministeriu d’Industria investiga si la TVG ‘coloniza’ territoriu asturianu

by asturnet

El Ministeriu d’Industria español investiga si son ciertes les acusaciones feches por Andecha Astur a la radiotelevisión pública de Galicia (TVG) por tresgredir presuntamente les llendes territoriales d’emisión marcaes pola llexislaciòn vixente pal casu de les televisiones autonómiques y de facelo col fin de ‘colonizar’ culturalmente una parte d’Asturies.

Industria va midir la potencia de los repetidores de la TVG asitiaos más cerca de les llendes territoriales de la comunidá gallega, según informa’l Diariu El Comercio na so edición d’esti domingu 18. Les razones d’esta mididición tán, según l’informativu xixonés, na denuncia entamada por Andecha Astur a principios de payares contra la televisión autonómica gallega por aventar les sos emisiones más alló de los llendes marcaos pola llei, dalgo qu’a xuiciu de la organización nacionalista podía llegar a ser illegal.

Tamién te podria gustar