El Mercáu de Cooperatives calez motores n’Uviéu

La conceyala d’Educación, Mercedes González, recibió hai poco nel Salón de Bodes del Conceyu d’Uviéu, a 52 alumnos y alumnes como representación de los centros educativos que van participar el próximu 19 de mayu nel Mercáu de Cooperatives y Asociaciones qu’entama cada añu Valnalón. Nesta edición, van dase cita nel Paséu de los Álamos un total de 67 cooperatives y 1.350 estudiantes d’educación primaria, secundaria y educación especial.

Alumnos de los colexos Santa Teresa de Jesús, La Inmaculada, Sagrada Familia, Nazaret, Duce Nome de Jesús, Santu Ánxel de la Guarda y de los de los institutos Alfonso II, La Ería, Monte Naranco y Fundación Vinjoy presentaron esta mañana una amuesa de les propuestes que van ufiertar nel mercáu, nel que vamos atopar dende productos artesanales hasta ‘relóes de diseñu’.

Los mozos esplicaron a la conceyala los sos proyectos empresariales faciendo especial fincapié en qué van invertir los beneficios llograos. Según comentaron, amás de financiase un viaxe y una fiesta, la mayoría va donar ente un 10 y un 20% a proyectos solidarios.