El gobiernu prepara diez millones pa retornar talentu científico

El Gobiernu quier que los científicos españoles tornen en condiciones a los llaboratorios de los campus. P’ayudar nesta torna de conocencia, el ministru d’Educación, Cultura y Deporte, Íñigo Méndez de Vigo, anunció la creación del programa ‘Beatriz Galindo’ pa recuperar el talentu que se desenvuelve fora d’España.

Estes ayudes van ser de diez millones d’euros y van tar recoyíes nos próximos Presupuestos. L’aportación del Estáu va articulase al traviés d’un contratu d’investigador ente la universidá y el científicu. “Van tener una duración de cuatro años y la obligación per parte de les universidaes d’incorporar esi talentu a les sos plantiyes”, indicó’l ministru na apertura del cursu na Universidá de Salamanca, qu’anguaño celebra’l so octavu centenariu.

La denominación de ‘Beatriz Galindo’ a estes ayudes faise n’honor a esta escritora y humanista española, exalumna del campus salmantino y preceptora de la reina Isabel la Católica.