El Gobiernu presentará en payares les bases de la función docente

El ministru d’Educación vieno acabante d’encargar al filósofu y pedagogu José Antonio Marina la ellaboración del borrador del Llibru Blanco de la Función Docente non universitaria.

El Ministru comprometiose a presentar a la comunidá educativa nel mes de payares y dase la circunstancia de que Marina foi autor del primer manual d’Educación pa la Ciudadanía, l’asignatura creada pol anterior gobiernu socialista y que l’actual Executivu esanició cola Lomce. Foi unu de los principales defensores d’esta materia incluyida na Llei Orgánica d’Educación de 2006, aprobada cuando gobernaba José Luis Rodríguez Zapatero.

Marina camienta que los profesores españoles son na so mayoría autodidactes y naden contra corriente, sigún dix  nuna carta empobinada al ministru  por cuenta del so nomamientu’l pasáu mes de xunu, na que-y deseyaba suerte. Esti pedagogu avisaba entós a Méndez de Vigo de que’l llogru de los oxetivos educativos nun se consigue con una llei, sinón cola meyora de la calidá de los equipos directivos, de los centros y el profesoráu. “La hestoria de la formación de los docentes n’España ye la hestoria d’un despreciu atávico”, asegura Marina, qu’indica qu’en revisando dos estudios de la OCDE sobre formación de profesores “la conclusión ye deprimente”.