El Día de la Minería en La Camocha con Maxi Rodriguez al pregón y Spanta la Xente en conciertu

Con motivu del Día de La Minería de les Fiestes de La Camocha 2013 Spanta La Xente va ufrir un conciertu esti vienres día 6 a les 22,30 hores xunto a la BKV Disco Móvil. Na celebración del Día de la minería va haber tamién una mesa redonda, qu’entamará a les 19 hores, sobre la resistencia minera, que cuntará cola participación del Premiu Pulitzer asturianu Javier Bauluz y con Marcos Martínez, siendo l’actor y dramaturgu Maxi Rodríguez l’encargáu de lleer el pregón (22 hores). Tres de l’actuación de Spanta la Xente, la folixa va continuar pela madrugada.

Habrá amás un Autobús nuecherniegu cada hora a Xixón, de baldre y otru dende la cuenca’l Caudal (inscripciones na Peluquería Manuel de La Pola Ḷḷena) col horariu que vien darréu:

-20.30 hores: salida dende Morea. -20.45 hores: parada na Casa Conceyu de Ḷḷena. -21 hores: parada nel cuartel de la Guardia Civil de Mieres.

La hora prevista de vuelta al Caudal ye la 1 de la madrugada.