El cursu d’estensión “Cineastes y músicos. Les afinidaes electives” inaugura la Cátedra de Cine

El Centru de Servicios Universitarios d’Avilés va acoyer dende esti llunes 19 de xunetu’l cursu d’estensión universitaria Cineastes y músicos. Les afinidaes electives. Este va ser el puntu de partida de la programación formativa de la Cátedra de Cine, nacida de la collaboración ente’l Conceyu d’Avilés y l’Universidá d’Uviéu.

Con una duración total de 25 hores lectives, que se van estender hasta’l vienres 23 de xunetu, la formación tien 18 places, dirixíes principalmente a cineastes, profesionales de la música, aficionaos y aficionaes al cine, a la música, y a la música del cine polo xeneral, según a estudiantes d’audiovisuales, música y humanidaes.

Los oxetivos del cursu son dar a conocer los métodos de planificación, composición y creación fílmica de dalgunos de los principales músicos y cineastes de la hestoria del cine; los criterios, condicionantes y contestos de los distintos estilos compositivos y la so relación colos distintos directores de cine en que la so obra inscribir los trabayos musicales, y conocer y caracterizar les canales creatives ente’l cine y la música na figura de cineastes, músicos y ceadores de dambes facetes.

L’acción formativa ta dirixida por Madalena Cueto y José Ángel Lázaro, responsables de la mesma de la Cátedra de Cine, y va ser impartida por Fernando Carmena Barrachina, del European FilmPhilarmonic Institute de Berlín.

Más información