Portada Educación El Conseyu Escolar del Estáu pide allargar la educación obligatoria hasta los 18 años

El Conseyu Escolar del Estáu pide allargar la educación obligatoria hasta los 18 años

by redacción asturnews

El Conseyu Escolar del Estáu, l’órganu de participación de los sectores más directamente rellacionaos col mundu educativu, plantega nel so últimu informe una reflexón: aldericar la estensión de la educación obligatoria hasta los 18 años n’España.

Anguaño, la educación obligatorio y gratuito, según dicta la Constitución- toma dende los 6 años (primero de primaria) a los 16, cuando rematada la la ESO y cuando empieza la edá llegal para trabayar. Tres la ESO, l’itinerariu académicu non obligatoriu pasa por bachilleratu o FP.

El Conseyu Escolar, que realiza unu llabor consultivu, d’asesoramientu y de propuesta al Gobiernu, alza esti encamientu al Ministeriu d’Educación y Formación Profesional, les alministraciones autonómiques (competentes na materia) y a tola comunidá educativa polo xeneral. El planteamientu ta incluyíu nel so informe 2022 sobro l’estáu del sistema educativu, nel apartáu de propuestes de meyores, xuntu con otres idees como amenorgar la ratio d’alumnos per clase, ameyorar los servicios d’orientación y siguir apostando poles beques.

Nun ye la primer vegada que l’organismu pide empecipiar l’alderique d’allargar la educación obligatoria coles mires d’amenorgar l’abandonu escolar tempranu. Nel so informe de 2015 yá lo reclamaba, faciendo so xuna resolvimientu del Parlamentu Européu, qu’en 2011 suxurió la idea d’estender la educación obligatoria pa, precisamente, combatir l’abandonu escolar tempranu.

A nivel européu, el porcentaxe d’abandonu ye del 22%. Europa marcóse como oxetivu llegar a 2020 con una cifra inferior al 15%. Nun se consiguió nin a nivel européu nin a nivel español, que se quedó nun 30% (2010-2020). Los últimos datos indiquen que s’amenorgó, pero España nun consigue baxar del 15% y caltiense nel 16%, según les estadístiques que remana la investigadora de la Universidá de Deusto (Bilbao) y de Ikerbasque (la Fundación Vasca pa la Ciencia), Rocío García Carrión, qu’anguaño lidera un proyectu de la Comisión Europea pa estudiar cómo atayar el fracasu escolar.

Cuidando que la educación obligatoria ye gratuita n’España, el Conseyu Escolar aseguró nel so informe de 2015 que’l costu económicu de la so propuesta yera “algamadiza”. Sicasí, l’entós ministru d’Educación, Cultura y Deporte, Íñigo Méndez de Vigo (PP), consideró que universalizar la educación hasta los 18 años yera “xuna mala idea”, ente otros motivos, pol costu económicu.

 

Tamién te podria gustar