Portada Educación El conseyu de Gobiernu pauta amenorgar les tases universitaries

El conseyu de Gobiernu pauta amenorgar les tases universitaries

by redacción asturnews
Foto: Hugo Pardo Kuklinsk (https://www.flickr.com/photos/18016623@N00/)

El Conseyu de Gobiernu del Principáu dio lluz verde ayeri a rebaxar del 25 per cientu de les tases de primera matrícula universitaria pal próximu cursu nuna decisión que pue afectar a les cuentes de la Universidá d’Uviéu de manera fonda.

Na so última sesión antes de pasar a exercer “en funciones” y cola so capacidá de decisión debilitada, l’Executivu cubrió’l trámite d’aprobar la baxada comprometida mientres la pasada negociación presupuestaria, qu’inclúi un amenorgamientu del 10 per cientu na segunda matrícula de los estudios de grau y otra del 25% na de los másteres y alcordó caltener les exenciones ensin modificar les tarifes na prueba d’evaluación de Bachilleratu, pero introduciendo como innovación equí la exoneración del pagu por razones económiques.

L’Alministración autonómica confirmó amás que va faer frente a la quexa del Rectoráu pol amenorgamientu d’ingresos que supón na institución asturiana esta decisión, adelantrando la compensación económica que va recibir la Universidá, tresfiriéndo-y el 55 per cientu de la contrapartida yá nesti exerciciu, y non una vegada publicaos los datos definitivos de matriculación nel Sistema Integráu d’Información Universitaria, como asocedía hasta agora. El 45 per cientu restante llegaría a les arques universitaries el próximu añu, pero’l Gobiernu promete esti diseñu col corolariu de qu’eso va asoceder “siempres y cuando esista abondu conseñamientu presupuestariu”.

Tamién te podria gustar