Portada Conceyos El Conceyu d’Uviéu va destinar 3,6 millones d’euros a beques escolares

El Conceyu d’Uviéu va destinar 3,6 millones d’euros a beques escolares

by redacción asturnews

Nuna de les últimes midíes aprobaes pol anterior equipu de gobiernu, el Conceyu va acutar 3,6 millones d’euros p’ayudar a les families a faer frente los pagos de los almuerzos y comíes nos comedores escolares y l’alquisición de llibros.

La partida que se lleva más dineru va ser, de nuevu, la de xinta con 3,3 millones d’euros, sígen-y los almuerzos, con 334.870 euros; y l’alquisición de material escolar , con 219.900 euros.

Estes cifres son bien similares a les d’esti cursu qu’acaba de rematar, onde’l Conceyu destinó 3,3 millones d’euros para les beques de comedor escolar, 276.670 euros para los almuerzos y 219.300 euros para alquisición de manuales. La cifra averar a los cuatro millones d’euros, y anguaño la partida va quedar en 3,6 millones, según apaez reflexáu na última acta de la xunta de gobiernu del pasáu mandatu.

La Corredoria va ser un añu más el barriu que más beques concentre. De les 9.101 solicitúes que s’aprobaron de forma provisional, 1.522 van dir pa esti barriu, el más populosu, esto ye, el 16,72%. Por colexos, el que más ayudes va recibir ye’l Carmen Ruiz- Tilve, con 530 subvenciones ente comedor, almuerzos y llibros. Sígue-y el Poeta Ángel González, con 505; y el colexu Corredoria, con 487. Síguen nel llistáu los centros de Ventanielles con 462 ayudes; La Ería, con 416; Juan Rodríguez Muñiz de Les Campes, con 372. Y tocantes a los colexos alcordaos, el Loyola ye qu’a más beques aspira, 384. Dempués figuren: Santa María del Naranco, con 364; La Milagrosa , con 330; y el Nazaret, con 256.

En relación a la zona rural, Cualloto ye la localidá que más ayudes va tener, si s’aprueben definitivamente los llistaos, con un total de 231. Sígenlu San Cloyo, con 102; Villar de Trubia, con 77; Narciso Sánchez de Olloniego, con 27; y Tudela Veguín, con 19. Per otru llau, los colexos d’alumnos con necesidaes específiques como l’Ánxel de Guardar y Latores van cuntar, a priori, con 18 y 7 beques, respectivamente.

La Conceyalía d’Educación abrió hasta’l 28 de xunu un plazu d’allegamientos y dempués los técnicos municipales van estudiar de forma individualizada cada casu. Más tarde, van publicase les resultancies definitives d’almitíos y escluyíos. Los escolares van esfrutar d’estes ayudes mientres el próximu cursu. Les clases pa los alumnos d’Infantil, Primaria y Educación Espacial va empezar el 10 de setiembre.

Tamién te podria gustar