El colexu Lorenzo Novo Mier ye pioneru en compostaxe comuñal

El colexu Lorenzo Novo Mier ye’l tercer centru escolar d’Asturies y el primeru d’una gran ciudá en sumase a la campaña de compostaje comuñal, puesta en marcha por Cogersa.

El proyectu, impulsáu nel colexu pola Asociación de Madres y Padres (AMPA), cola collaboración del Conceyu d’Uviéu, consiste n’averar  el compostaxe a los escolinos por aciu la instalación, nel centru, d’una compostadora comuñal. A la so puesta en marcha asistieron, esti martes, la conceyala d’Infraestructures y Servicios Básicos, Ana Rivas; el xerente del Consorciu pa la Xestión de Borrafes Sólides d’Asturies (Cogersa), Santiago Fernández y la presidenta de la AMPA del centru, Patricia García, amás de los escolares.

El compostaxe domésticu, nel qu’a partir del martes collabora tola comunidá educativa del C.P. Lorenzo Novo Mier (yá lo vienen faciendo otros dos colexos, unu en Puertu de Vega y otru en Blimea), ye una iniciativa destinada al amenorgamientu y recuperación de borrafes orgániques al traviés d’un sistema d’autoxestión básica de los biorresiduos xeneraos nel centru escolar. Según esplicó Santiago Gómez, responsable del serviciu de llimpieza viara y recoyida de basura del Conceyu, amás d’esta compostadora comuñal, el consistoriu recibió anguaño 150 solicitúes de caracter individual. Nuevos usuarios a los qu’en curtiu, va ufiertáse-yos una sesión d’información sobre compostaje nel Auditoriu Príncipe Felipe.