Portada Cine El cine más dramáticu pue vese nel Centru d’Interpretación del Cine n’Asturies

El cine más dramáticu pue vese nel Centru d’Interpretación del Cine n’Asturies

by asturnet

Redacción.

El Centru d’Interpretación del Cine d’Asturies, creáu al mesmu tiempu que’l Casinu de Xixón y asitiáu na planta cuarta del mesmu, inauguró ayeri una esposición na que pue vese un percorríu pel cine melodramáticu a lo llargo de la hestoria. El comisariu de la esposición ye Juan Jose Plans y el títulu ‘Grandes Melodrames Cinematográficos’. La esposición va tar abierta hasta’l 14 de xunetu.

La esposición inclúi cartelos y otros elementos de les películes que s’enxerten dientro d’esti xeneru que ñació nel ámbitu operísticu pero pasó a tolos artes pa denomar a les obres nes que l’aspeutu que más destaca ye’l rellacionáu colos sentimientos y el calter de la xente.

Cartelos de películes tan conocíes como ‘Lo que’l vientu llevó’, ‘Rebeca’, ‘Al este del Eden’, ‘Les uves de la ira’, ‘Margarita Gautier’, ‘Que verde yera mio valle’ y ‘Cumes borrinoses’ pueden vese na esposición organizada pol Centru d’Interpretación del Cine d’Asturies nel so horariu d’apertura.

Tamién te podria gustar