El Cine de los Martes programa 9 películes nel primer trimestre de 2019 y estrena pantalla de mayor tamañu

Col nuevu añu empecípiase otru ciclu cinematográficu del Cine de los Martes nel auditoriu y la Casa de Cultura d’Avilés, qu’estrena una pantalla mayor, sobro la que se van proyectar 9 llargumetraxes nel primer trimestre de 2019.

El trabayu de la conceyalía de Cultura por ufiertar una propuesta cultural calidable y accesible a tolos públicos, con una meyora constante, manifiestase en proyectos consolidaos, como’l Cine de los Martes”. Col nuevu añu empecípiase otru ciclu cinematográficu nel auditoriu y la Casa de Cultura, qu’estrena una pantalla mayor, sobro la que se van proxectar 9 llargumetraxes nel primer trimestre de 2019.

Si nel 2018 los aficionaos al cine n’Avilés atoparonse con un saltu calidable técnicu, gracies al estrenu d’un avanzáu proyeutor dixital, nel 2019 van tener énte sí una nueva pantalla, de 9 metros d’anchu y 5 d’altu, que dexa pequeña a l’anterior, de 7 metros. Suministrada pola empresa Cinetrónica, supunxo xuna inversión de 17.000 euros, que va redundar na meyora de la imaxe yá consiguida col proyeutor

Más superficie pa esfrutar de los 9 llargumetraxes propuestos, de 7 nacionalidaes (España, Italia, Dinamarca, Xapón, Vietnam, Suecia y Estaos Xuníos), multipremiaos nos más prestixosos festivales internacionales, de directores y directores tan reconocíos como Lars Von Trier, Matteo Garrone, Hirokazu Koreeda o Alice Rohrwacher. Según grandes actores y actrices como Robert Redford, Sissy Spacek, Danny Glover, Carme Elías, Inma Cueves, Matt Dillon, Uma Thurman o Bruno Ganz.

Cine européu y español, pero tamién asiáticu y norteamericanu. Propuestes que van del thriller a la comedia, y al drama. Como Un asuntu de familia (5 de febreru), de Hirozaku Koreeda, ganadora de la Palma d’Oru nel últimu Festival de Cannes; Dogman (15 de xineru), de Matteo Garrone, que’l so protagonista Marcello Fonte tamién foi galardonáu nel mesmu festival; Lazzaro Feliz (22 de xineru), meyor guión en Cannes, o La tercer esposa (12 de febreo) Meyor Película Asiática nel Festival de Toronto.

Una programación fecha con criterios calidables y diversidá, heteroxénea, con puesta en valor del cine d’autor, y accesible non solo al públicu aficionáu, sinón a toos aquellos a los que-yos guste esfrutar d’una bona película.

El ciclu caltien el so horariu habitual, de les 20.15 hores. Y tamién sigue col mesmu preciu, de 3 euros per sesión. Les entraes yá s’atopen a la vienta, y pueden adquirise directamente na taquilla de la Casa de Cultura, según al traviés d’Internet na páxina web https://entraes.liberbank.es/palaciovaldes.

Mientres el 2018, el númberu d’espectadores creció, y nes 29 películes proxectaes la media d’espectadores foi de 226 por sesión, un saltu con al respective de los 181 que de media asistieron en 2017. La película más vista na última edición foi La llibrería, d’Isabel Coixet, con 581 espectadores.

Calendariu de proyecciones

• Martes 8 de xineru. Quién te cantará (España, 2018).
• Martes 15 de xineru. Dogman (Italia, 2018).
• Martes 22 de xineru. Lazzaro Feliz (Italia, 2018).
• Martes 29 de xineru. The Guilty (Dinamarca, 2018).
• Martes 5 de febreru. Un asuntu de familia (Xapón, 2018).
• Martes 12 de febreru. La tercer esposa (Vietnam, 2018).
• Martes 26 de febreru. Border (Suecia, 2018).
• Martes 12 de marzu. The old man and the gun (Estaos Xuníos, 2018).
• Martes 26 de marzu. La casa de Jack (Dinamarca, 2018).