Portada Cine El catálogu de curtiumetraxes de Llaboral Cinemateca incorpora nuevos trabayos

El catálogu de curtiumetraxes de Llaboral Cinemateca incorpora nuevos trabayos

by redacción asturnews

El catálogu de curtiumetraxes en distribución de Llaboral Cinemateca incorpora nuevos trabayos y los nuevos curtios d’Elena Duque, Imanol Ortiz, Juan Caunedo y David P. Sañudo van ser inscritos en certames de relevancia nacional ya internacional. Un total de 12 trabayos que se presentaran a la última convocatoria del programa Curtiumetraxes Llaboral Cinemateca.

Los nuevos curtiumetraxes d’Elena Duque, Colección privada; d’Imanol Ortiz, N-666; de Juan Caunedo, Guanabacoa: tierra d’agües, y de David P. Sañudo, Vatios, fueron escoyíos para formar parte del Catálogu de Curtiumetraxes de Llaboral Cinemateca. Llaboral Cinemateca ye l’espaciu dedicáu al sector creativu cinematográficu y audiovisual promovido pola Conseyería de Cultura, Política Llingüística y Turismu, al traviés de Llaboral Ciudá de la Cultura.

Un total de 12 curtiumetraxes presentáranse a la última convocatoria del programa Curtiumetraxes Llaboral Cinemateca que’l so oxetivu ye faer espardimientu y distribuyir la producción rexonal de curtios en certames cinematográficos de relevancia nacional ya internacional. La Comisión de Selección tuvo conformada nesta ocasión por Roberto Barruecu, director de MECAL PRO, Festival Internacional de Curtiumetraxes y Animación de Barcelona y de Mecal 360º (Festival Internacional de Cine 360º deRealidad Virtual y Realidá Aumentada de Barcelona); Cristina Moreno, responsable de distribución de Madrid en Curtiu y de la Escuela de Cinematografía y del Audiovisual de la Comunidá de Madrid (ECAM); y el cineasta Chema García Ibarra (Misteriu, Lleenda Dorada), qu’alcordaron incorporar al catálogu estos cuatro trabayos pola so calidá artística y técnica, amás de pola so orixinalidá y la potencialidá a la de ser escoyíos en festivales.

Más información

Tamién te podria gustar