El British Filme Institute va dexar de financiar películes con villanos que tengan repulgos

Tamos acostumaos a ver villanos nel cine caracterizaos con repulgos o dalgún tipu de cara desfigurado. Darth Vader, Freddy Krueger, Scar d’El rei Llión o El Joker llucieron d’esta guisa na gran pantalla. Pero’l British Filme Institute dexó claro que d’equí p’arriba nun va financiar nenguna película na qu’apaezan villanos con repulgos faciales o desfiguraciones.

Esta inesperada decisión surde a raiz del sofitu a la campaña Changing Cares (Camudando Cares), que utiliza’l hashtag IAmNotYourVillain pa espublizar un mensaxe que pretende concenciar y esaniciar estigmes sobro la desfiguración.

“El cine ye un catalizador pal cambéu, y ye por ello que comprometemos a nun incorporar representaciones negatives como repulgos o diferencies faciales nes películes que financiemos. “Esta campaña fala directamente sobro los criterios nos estándares de diversidá del BFI, que van promover a les representaciones significatives en pantalla. Sofitamos por completu a la campaña IAmNotYourVillain, y convidamos al restu de la industria fílmica a faer lo mesmo”, aseguró Ben Roberts, subdireutor executivu de la institución británica.

Esta iniciativa ye parte d’un programa de compromisu cola diversidá qu’inclúi una cuota del 7% destinada a cineastes con dalgún tipu de discapacidá, y llega dempués de que diera sofitu financieru al llargumetraxe ‘Dirty God’, protagonizáu por una muyer londinense que trata de reconstruyir la so vida dempués de ser atacada con ácidu. Según comentó la directora executiva de Changing Cares, Becky Hewitt, “ye especialmente esmolecedora ver que los neños nun suelen faer l’asociación ente repulgos y villanía hasta que son espuestos a películes qu’inflúin les sos actitúes escontra les desfiguraciones d’una manera fondamente negativa”.