El Botánicu de Xixón dedica a la castañal la so Selmana de la Ciencia

¡Toma castaña’ ye’l lema de la Selmana de la Ciencia del Xardín Botánicu Atlánticu 2022, qu’anguaño xira redolada a la castañal y que  va celebrase del 8 al 13 de payares con entrada y actividaes gratuites pa escolares, adultos y familiares.

L’oxetivu, tal que señaló’l conceyal de Mediu Ambiente y Movilidá, Aurelio Martín, ye reforzar la conocencia del calter autóctonu de la castañal y espublizar les investigaciones en redol al so caltenimientu, el so cultivu y el so aprovechamientos.

Por ello, el programa inclúi tamién una esposición de frutos de delles variedaes tradicionales de castañal n’Asturies, de pieces rellacionaes cola so recoyida y  de productos ellaboraos. Puede visitase nel Xardín Botánicu, entamada pol SERIDA, Muséu del Pueblu d’Asturies y José Francico Pérez Peláez (bosQfruit). Coles mesmes, hai un taller, charres y una escursión empuesta al Parque Nacional de Redes con un percorríu de casi 2 km y dificultá baxa pa conocer los carbonos, antigües castañales ensiertes pa producir castañales de meyor calidá.

Nes actividaes programaes p’alumnáu de Primaria yá s’escosaron les places, por tanto, van participar seis centros educativos y 425 escolares.

Ver programa