Portada Educación Educación va partir 4,2 millones pa los gastos pola covid de los colexos

Educación va partir 4,2 millones pa los gastos pola covid de los colexos

by redacción asturnews

Los centros educativos d’Asturies fixeron un esfuerzu por que’l cursu pueda desenvolvese cola mayor normalidá posible, dientro de la dificultá del cursu y agora la Conseyería d’Educación aprueba una tresferencia de 4.252.000 millones d’euros a partir ente tolos centros públicos d’Asturies, dende Infantil a Bachilleratu, pasando por Formación Profesional, escueles d’idiomes, conservatorios, escueles d’arte y centros d’adultos.

El dineru vien de los fondos covid autonómicos y va sirvir tamién pa cubrir los gastos extra de llimpieza y el material necesario pa garantizar el bon funcionamientu de los comedores escolares. Cada centru va poder faer usu de la so autonomía pa decidir el fin del dineru que reciba.

Coles mesmes, la conseyería informó d’una partida d’unos 700.000 euros pa los centros alcordaos de la rexón, cola mesma fin. L’alcordada treslladara al Principáu la so necesidá d’un financiamientu extra’ por tolos gastos que taben teniendo y amosára-y el so situación. Finalmente, la conseyería aprobó xuna subvención de 23 euros per alumnu de l’alcordada, cifra que s’alza a 46 pa los de los centros d’educación especial. Dende Escueles Católiques amosaron ayeri’l so prestu porque, magar «nun cubrir el 100% de los gastos, entendemos que tamos nuna situación na que toos tenemos qu’apertar la petrina».

Mentanto, los sindicatos de la pública nun tán nada conformes cola situación y convocaron una nueva concentración güei, énte la conseyería, a les 12 hores, «pa reivindicar una educación presencial qu’asegure, coles mesmes, la salú llaboral del profesoráu».

Tamién te podria gustar