Portada Educación Educación pretende que la llei de FP desbloquie’l conflictu escolar

Educación pretende que la llei de FP desbloquie’l conflictu escolar

by redacción asturnews

La ministra d’Educación, Pilar Alegría, espera que la nueva llei de Formación Profesional cunte con un mayor respaldu parlamentariu qu’el que llogró la norma que reforma’l sistema educativu, conocida como ‘llei Celaá’, un proyectu que provocó fondes divisiones nel sector.

Según la titular del departamentu, el testu de la iniciativa foi aprobáu pol Conseyu de Ministros por «acompasar» la formación de los estudiantes coles demandes de les empreses. El Gobiernu pretende que los alumnos matriculaos na Formación Profesional Superior puedan cursar materies optatives nes facultaes, y al aviesu. L’Executivu aspira a que les materies que s’estudien tengan un calter prácticu, para lo cual Pilar Allegría quier sustraer del espolín políticu l’alderique col fin de llograr la máxima collaboración de los axentes del sector.

La patronal CEOE dio’l so sofitu al anteproyectu aprobáu, anque les rocees de la educación alcordada nun s’esmorecieron del too. En declaraciones a ‘La Vanguardia’, tolos estudiantes van tener un periodu de formación nes empreses, práctiques que van suponer ente’l 25 y 35% del horariu. Coles mesmes, contémplase xuna FP intensiva, con práctiques d’ente’l 35 y el 50% y que son retribuidas.

Alegría, que pretende apangar l’agafáu conflictu educativu, aspira, si non a roblar un gran alcuerdu, siquier a llegar a pactos parciales pa desbloquiar el diálogu. Nesti sentíu, mientres estos dos últimos meses, la ministra celebró alcuentros con patronal y sindicatos, que fixo estensivos a los voceros d’Educación y FP de tolos grupos parlamentarios pa encetar esti asuntu. Sacantes dellos cambeos más de forma que de fondu l’anteproyectu caltien les llínees xenerales diseñaes pola so predecesora nel cargu, Isabel Celaá, sacrificada na última crisis de gobiernu.

Tamién te podria gustar