Educación plantega una plantiya fixa de 9.371 funcionarios pal cursu entrante

L’Alministración rexonal treslladó esta selmana a los sindicatos la so propuesta de que la plantiya orgánica (consolidadada) d’Educación sía de 9.371 funcionarios de carrera’l próximu cursu.

La noticia supón, según ANPE y UXT, dieciséis places menos nun añu. Dambes coincidieron en calificar la propuesta de «decepcionante». Asina, UXT apuntó que «hai trabayando 4.585 interinos, polo que la plantiya orgánica nun cubre nin el 70% de les places esistentes. Hai centenares de puestos que se consideren de necesidaes coyunturales y son places estructurales».

P’ANPE, estes cifres xuntu coles altes tases de xubilaciones habíes (400-500 places cada cursu), la escasa convocatoria d’oposiciones nos años de la crisis económica y el pasáu cursu que nun se pudieron celebrar llevaron a algamar unes tases d’interinidá nos últimos años cimeros al 35%.