Educación peracaba’l conveniu pal muriu perimetral del colexu Veneranda Pumar d’Uviéu

La conceyala d’Educación, Mercedes Fernández, axuntóse’l pasáu martes cola dirección del colexu públicu Veneranda Pumar y visitó el centru escolar, onde apocayá se fixeron unes obres d’ampliación y na actualidá tán executándose trabayos de meyora de los vestuarios. La visita realizabase a pidimientu de la conceyala, col enfotu de conocer de primera esquito los problemes qu’abasna’l centru y cómo se desenvuelven les obres que tán en marcha. Merced González informó a los representantes del colexu de que se ta peracabando’l conveniu col Principáu pa resolver una de les demandes históriques del centru, la construcción del zarru perimetral. El presupuestu municipal reserva 45.000 euros pa esta obra, y tase preparando’l conveniu col Principáu, que va ser l’Alministración qu’execute los trabayos.