Dylan va unviar un discursu al Premiu Nobel y Patti Smith va cantar

El cantautor estadounidense Bob Dylan preparó un discursu que va ser lleíu’l próximu 10 d’avientu na entrega del Nobel de Lliteratura n’Estocolmo, a la qu’él nun va allegase, sigún se supo esta fin de selmana.

Asina lo anunciaba’l vienres al traviés de Twitter l’Academia Sueca. La roquera estadounidense Patti Smith va encargase d’interpretar demientres la ceremonia l’ésitu de Dylan A hard rain’s a gonna fall.

Dylan, de 75 años, foi premiáu n’ochobre col Nobel de Lliteratura, el galardón más prestixosu de les lletres, pola so creación de “nueves espresiones poétiques dientro de la gran tradición musical estadounidense”.

Tres l’anunciu, l’Academia Sueca nun llogró contactar directamente con Dylan, hasta que 12 díes dempués foi’l mesmu cantautor el que llamó al gremiu y aseguró que se sentía bien honráu. A mediaos de payares, l’Academia comunicó que’l cantante de Blowin’ in the wind nun viaxaría a Estocolmo a recibir el galardón por incompatibilidá con otros compromisos.