Dixebra apaez nel discu-homenaxe a Os Diplomáticos col únicu cantar que nun ta en gallegu

“120 capadores” ye’l nome del discu homenaxe al grupu rock gallegu “Os Diplomáticos de Monte Alto”, un grupu qu’entamó’l conocíu como “rock bravú”. El grupu asturianu Dixebra ye l’únicu non gallegu qu’apaez nel discu y amás failo con un tema n’asturianu, siendo asina la única banda que nun usa la llingua gallega nel cd. El cantar ye “Gaiteru”, una versión “Gaiteiros”, del grupu homenxeáu.

El discu salió por iniciativa de Falcatruada, Lonxa Cultural, Komunicando.net y el Centru Social Atreu como tributu al grupu y nél apaecen venti grupos gallegos de dellos estilos. Un discu nel que Dixebra fai l’homenaxe dende la vecina Asturies a un grupu míticu del rock gallegu, que yá participare en sofitu a la llingua asturiana, con un cantar nel discu “L’asturianu, muévese”.