David González ufierta xuntes dos antoloxíes de la so xera poética

L’escritor xixonés David González ye’l protagonista de dos antoloxíes publicaes apocayá n’Arxentina y Canaries. “Tango azul” y “El amor ya no es comtemporáneo” amuesen un percorríu suxetivu pela obra d’esti poeta de voz sincera y radical. La segunda d’estes antoloxíes, publicada pol sellu canariu “Baile del sol” preséntase esti xueves 29 en Xixón xunto al volume apaecíu na mesma editorial “Privado” de Vicente Muñoz.

David González ye un de los escritores con más personalidá del panorama lliterariu en castellanu d’Asturies. Autor d’alrodiu una docena de títulos, ente obres propies y antoloxíes (la última “La verdadera historia de los hombres”, na que se recueyen poemes de siete autores con nome de muyer), el poeta de San Andrés de los Tacones ufierta agora la posibilidá d’afonda na so obra al través de dos esbilles d’estremada factura: “Tango azul”, publicada n’Arxentina y la que se presenta esti xueves 29 en Xixón. “El amor ya no es contemporáneo”.

La presentación del llibru de David González xunto a “Privado” del lleonés Vicente Muñoz ye esta nueche a les 22.00 hores nel bar La Sal de Xixón.