Dark la eMe contunua cola promoción de “Underprau” el vienres na FNAC de Siero

Mario Fueyo, Dark la eMe va tar presentando’l so nuevo trabayu discográficu nel espaciu cultural de la FNAC del centru comercial Parque Principado de Siero’l vienres 8 de febreru a les 19:00 hores. “Underprau” ye la nueva entrega del raperu de L.lena y n’elli colaboren dellos artista perconocíos de la escena musical asturiana como Pablo Moro, La Bandina, el mc Arma X o Tuenda pa construir un discu de hip-hop con toques d’otros estilos musicales. Con esta primer referencia Mario Fueyo echa a andar el sellu discográficu Guaje Salvaje nel que va sacar los sos propios trabayos y d’otros artistes siempre venceyaos a la música hip-hop.