Portada Conceyos Correos presenta los sellos dedicaos al Teatru Campoamor y al Camín Primitivu

Correos presenta los sellos dedicaos al Teatru Campoamor y al Camín Primitivu

by redacción asturnews

CORREOS presentó esta selmana pasada dos sellos conmemorativos d’Uviéu: el dedicáu al Teatru Campoamor y el qu’amuesa a la Catedral uvieina como puntu de partida del Camín Primitivu.

Al actu, celebráu nel mesmu teatru, asistieron el conceyal de Cultura, José Luis Costillas; el presidente de l’Agrupación d’Asociaciones del Camín de Santiago del Norte, Laureano García; y el director de Filatelia de Correos, Modesto Fragüas. El conceyal empezó la so intervención estimando “esti homenaxe a Uviéu”, per un sitiu “al Camín Primitivu, al que, hasta’l momentu, nun se-y fechu la promoción turística como se debía” y por otru, “a una de les nueses xoyes de la corona como ye’l Campoamor que cumplió 125 años” y que la “próxima selmana volverá asitiar Uviéu como centru d’atención mundial gracies a los Premios Princesa d’Asturies”. Motivos polos que’l conceyal de Cultura solicitó al Principáu d’Asturies que “el sofitu a esti teatru oldear al que reciben otres instalaciones culturales, como’l Niemeyer y La Llaboral”.

Estes dos nueves creaciones xúnense, según indicó’l director de Filatelia de Correos, Modesto Fragüas, a les 3.500 estampes esistentes: “una enciclopedia bien pequena en formatu pero enorme en conocencia” qu’amuesa “la diversidá y l’arte”  d’España y tolo que puede afectar al nuesu país. El presidente de l’Agrupación d’Asociaciones del Camín de Santiago del Norte, Laureano García, aplaudió esti pasu, “col que se completa la colección de sellos dedicaos al Camín de Santiago a falta del camín vascu-aragonés” y que se dedique una de les imaxes a Alfonso II “al que debemos la xenial idea de vertebrar el norte d’España y Europa con esti Camín” para’l que pidió mayor sofitu y promoción sobretodo de cara a 2021, añu Xacobeo.

En cuanto al sellu del teatru Campoamor, recueye una imaxe de la sala de butaques col escenariu al fondu, cola particularidá de que ta nuna fueya bloque que funciona de manera desplegable: plegáu, el sellu queda enmarcáu na fachada principal del edificiu.

Ficha técnica

•  Fecha d’emisión: 27/09/2019
•  Procedimientu d’Impresión: Offset + Troquelado
•  Papel: Estucado, engomado, fosforescente
•  Tamañu del sellu: 81,8 x 57,7 mm
•  Tamañu de la fueya bloque: 105,6 x 78,9 mm
•  Valor postal de los sellos: 4 euros
•  Tirada: 160.000

CORREOS emite un carné de sellos dedicáu al Camín Primitivu, declaráu pola UNESCO Patrimoniu Inmaterial de la Humanidá, y que tien como motivos los territorios y monumentos d’esta Ruta Xacobea.

La ciudá d’Uviéu ye protagonista del sellu cola ilustración de la Catedral, con trelce sieglos d’hestoria. Amás, nel carné hai otru sellu con referencia asturiana y uvieina: la estatua d’Alfonso II allugada na cai Águila; monarca decisivu pa la nacencia y desenvolvimientu del santuariu compostelanu.

Ficha técnica

•             Fecha d’emisión: 05/09/2019
•             Procedimientu d’Impresión: Offset
•             Papel: Autoadhesivo fosforescente
•             Tamañu del sellu: 35 x 24,5 mm
•             Tamañu del talonariu: 166 x 63 mm
•             Efectos nel talonariu: 8
•             Valor postal de los sellos: 0,60 € + 0,70 €
•             Tirada: 320.000

Tamién te podria gustar