Científicos de 51 países participen nel VII Congresu sobro ecoloxía de granes

El Xardín Botánicu Atlánticu de Xixón acueye dende esti martes, día 6 de setiembre, el VII Congresu Internacional Seed Ecology, que mientres trés díes va axuntar a más d’un centenar de científicos procedentes de 51 países en redol a les funciones de les granes nos ecosistemes.

Mientres el congresu, un alcuentru trienal respondíu por pola Sociedá Internacional de Ciencia sobro Granes y entamáu pola Dirección Científica del Botánicu y l’Universidá d’Uviéu cola collaboración de Caxa Rural, van presentase 55 comunicaciones y 29 pósters en redol a temes como la macroecología y evolución de les granes, dispersión de granes ya interacciones ente plantes y animales, funciones de les granes nes comunidaes botániques, restauración y caltenimientu ecolóxicu basada nel usu de granes y control ambiental de la guañada.

La presentación cuntó cola presencia del conceyal de Mediu Ambiente y Movilidá, Aurelio Martín, el vicerrector d’Investigación de la Universidá d’Uviéu, Antonio Fueyo, el director científicu del Botánicu, Borja Jiménez-Alfaro y Javier Nievas, en representación de Caxa Rural. Mientres la mesma, Aurelio Martín destacó que l’alcuentru “afonda na alma científica” del Botánicu xixonés,  ente que’l so director científicu destacó la importancia del estudiu de les granes como xuna modalidá de biodiversidá oculta” esencial pa los oxetivos de restauración ecolóxica a escala mundial plantegaos por instituciones como la ONU.

El programa complementase cola esposición “Micoescultures”, nes que l’artista Jorge Montoro intervieno con medios plásticos fotografíes de granes o frutos captaes pol investigador Víctor Vega.