Cataluña celebra’l centernariu de la Gramática de la Llingua Catalana de Pompeu Fabra

Esti martes, 16 d’ochobre, a les siete y media la tarde, va celebrase nel Palau de la Generalitat de Catalunya, en Barcelona, la conmemoración del centenariu de la publicación de la Gramática de la llingua catalana de Pompeu Fabra, considerada’l primer pasu pa facer del catalán una llingua moderna siguiendo criterios científicos. Nel actu, que va ser presidíu pol conseyeru de Cultura, Ferran Mascarell, van intervenir Salvador Giner, presidente del Institut d’Estudis Catalanes; Isidor Marí, presidente de la Sección Filolóxica del IEC, Jordi Mir, director de les obres completes de Pompeu Fabra, y Yvonne Griley, directora xeneral de Política Llingüística.

Mientres l’actu presentaráse l’octavu volume de les Obres completes de Pompeu Fabra, que recueye 516 cartes, 400 escrites por Fabra y 116 por personalidaes de la so dómina. Esti primer epistolariu global de Fabra ye una bona aportación a la conocencia de la evolución sociollingüística y hestórica de la llingua catalana mientres la primer metá del sieglu XX.