Hevia, Llan de Cubel y la BG El Llacín completen la programación de Lorient

José Ángel Hevia, Llan de Cubel, el Grupu Folklóricu Trebeyu de Xixón y la Banda de Gaites d’El Llacín van completar la programación del Añu d’Asturies nel Festival Intercélticu de Lorient, qu’esti vienres fizo anuncia del cartelu completu del 51ª Festival intercélticu con una actuación de José Manuel Tejedor en París.

La 51ª edición del Festival Interceltique de Lorient, que va celebrase del 5 al 14 d’agostu, vieno acabante completar el so programa, cola incorporación de dellos artistes asturianos como Hevia, Llan de Cubel, La Banda de Gaites El Llacín de Llanes, el Grupu Folklóricu Trebeyu de Xixón y Mapi Quintana na direición artística de la Soiree asturiana que va centrar la celebración del añu asturianu en Lorient. Estos nomes vienen a xuntase a los de Rodrigo Cuevas, Silvia Quesada, José Manuel Tejedor y el grupu L-R que yá conocíemos y que refuercien la celebración del añu dedicáu a Asturies nel Festival.

El Festival Interceltique de Lorient yá dio a conocer a los 111 artistes cimeros dempués d’avanzar hai meses nomes como los de Capercaillie, Miossec, The Moorings, Fiandola, Gaëtan Roussel, Cécile Corbel, Ivarh y Only Boys Aloud, ente otross.

El cartelu inclúi como reclamu cimeru a una de les principales bandes celtes del mundu, Capercaillie, que canta n’inglés y en gaélicu y tien casi 20 álbumes nel so haber. Pal so conciertu nel festival, el grupu va tar acompañáu pola Orquesta Sinfónica del Festival Intercélticu de Lorient, dirixida por Greg Lawson.

Nel cartelu tamién figuren el grupu irlandés Lúnasa y el cantante asturianu Rodrigo Cuevas, el gaiteru José Ángel Hevia y la mítica banda de folk asturiana, pernomada en Bretaña, Llan de Cubel.