Carballeira espubliza “Xaime Bon y los cinco planetes”

L’Academia de la Llingua Asturiana acaba d’espublizar un llibru nuevu del escritor y dibuxante Enrique Carballeira, faciendo’l númberu 67 de la colección Escolín. “Xaime Bon y los cinco planetes” cunta les aventures intergaláctiques del héroe que yá protagonizare otros llibros del autor.

El volume ta clasificáu col llapiz encarnáu qu’usa l’ALLA pa encamentar la llectura a neños dende los seis años.

Enrique Carballeira ye natural de L’Infiestu (1970). Periodista y escritor, ye autor de dellos llibros pa rapacinos, de los qu’él mesmu ye l’ilustrador, ente ellos El cuélebre y l’home del espaciu (1991), El príncipe medranosu (1992), El gaiteru de Sotu(1993) y Les aventures de Xaime Bon, detective galácticu (1995), Tres hestories de Ñublina más una de propina (1996) o El casu de los centollos xigantes y Les aventures de Pillu. Tien escrito tamién rellatos p’adultos. Ye collaborador habitual del diariu xixonés El Comercio y del selmanariu en llingua asturiana Les Noticies.