Candamu celebra un alcuentru de música tradicional centráu na zanfona

Esti vienres 27 de febreru, a partir de les ocho la tarde van celebrase en Candamu unos alcuentros empobinaos al estudiu y difusión de la zanfona. Los actos van celebrase nel Palaciu de Valdés-Bazán de San Román.

Merce Santos, zanfonera de La Bandina, va dar un conciertu-amuesa del instrumentu. Amás, van participar los alumnos de la Escuela de Música Tradicional Manolo Quirós y de la Escuela La Quintana, de Xixón.

El Palaciu onde se celebra l’alcuentru va acoyer una esposición sobre bandurries.