‘Campeones’ queda fora de los Oscar 2019

La película Campeonos, de Javier Fesser, nun pasó la corte y nun va figurar na terna de nomaes pa competir na categoría de Meyor Película de Fala non inglesa na 91 edición de los Oscar.

L’Academia de Hollywood anunció la nueche d’esti llunes les nueve cintes que van siguir con posibilidaes d’alzase cola preciada estauína na gala que va tener llugar el 24 de febreru de 2019 en Los Ánxeles. L’Academia de Cine española escoyó la cinta de Javier Fesser para representar a España nos Oscar ente una terna de películes compuesta por ‘Handia’, d’Aitor Arregi y Jon Garaño, y ‘Toos saber’, de Asghar Farhadi.

L’Academia de Hollywood anunció les nueve cintes del total de 87 películes visualizaes que siguen con opciones p’alzase cola estauína. Seis de les finalistes fueron escoyíes pola Academia y les trés restantes pol Comité Executivu del Premiu de Cine en Llingües Estranxeres de l’Academia.

Ente les películes que sí pasaron la corte figura la colombiana ‘Birds of Passage’ (‘Páxaros de branu’), de Cristina Gallego y Ciro Guerra, y la méxicana ‘Roma’, d’Alfonso Cuarón. Completen la llista ‘The Guilty’ (Dinamarca), ‘Never Look Away’ (Alemaña), ‘Shoplifters’ (Xapón), ‘Ayka’ (Kazajstán), ‘Capernaum’ (Llíbano), ‘Cold War’ (Polonia)y ‘Burnin’ (Corea del Sur).

España sigue con opciones na gala de los Oscar gracies al documental español El Silenciu d’Otros, d’Almudena Carracedo y Robert Bahar y el curtiumetraxe Madre, de Rodrigo Sorogoyen. El Silenciu d’Otros, nel que participó la productora ‘El Deséu’ de los hermanos Almodóvar, pasó la corte al pie de otros 14 documentales. Pela so parte, el curtiumetraxe ‘Madre’, producíu por Caballu Films, Malvalanda y la collaboración d’Apache Films, col sofitu del ICAA y la Comunidá de Madrid, foi escoyíu ente una terna de diez candidatos.

Los premios de l’Academia de Hollywood van celebrase’l 24 de febreru de 2019 y la llectura previa de candidatos realizarase’l 23 de xineru.