Portada Fiestes Bricia entama cola fiesta La Paz el calendariu Llaniscu de 2010

Bricia entama cola fiesta La Paz el calendariu Llaniscu de 2010

by asturnet

Bricia, en Posada de LLanes, abrió esti sábadu 23 de xineru coles Fiestes de La Paz el calendariu festivu llaniscu. La fiesta cuntó colos ingredientes que caractericen les celebraciones llanisques, con h.oguera, procesión de la virxen, l’actuación de la Banda de Gaites Xácara, los bailes de los mozos del llugar y la puya del Ramu, que fizo un añu más el vecín Felipe Villa.

La Paz ye una fiesta recuperada polos vecinos de Bricia va unos años y que cada xineru tien más participación de mozos vestíos de porruanes y moces vestíes col traxe llanisca.

La localidad de Bricia celebró esti sábadu’l día grande en honor a la Virxen de La Paz, pero la fiesta ya entamó la fin de selmana anterior cola plantación d’una h.oguera de más de 30 metros, enforma alta pa lo normal. El sábadu los vecinos de Bricia ficieron la tradicional procesión con tres ramos repletos de rosques y pan artesanu y cerca de 50 muyeres col traxe tradicional llaniscu d’aldeana y una docena d’homes col de Porruanu. Una procesión que llució como l’añu pasáu cola actuación de la Banda Gaites uvieina “Xácara” que sostituía a la “Reina del Truébanu” de añu pasáu y la Banda Gaites de Villaviciosa.

Tamién te podria gustar