Avilés llanza un ciclu de cine familiar en La Lluz, Versalles y La Carriona

La conceyalía de Cultura d’Avilés, nel so compromisu de desenvolver acciones culturales accesibles en tola ciudá, llanza’l proyectu “Cine nos Barrios”, que va dexar la exhibición de trés películes destinaes al públicu familiar nos centros culturales de La Lluz, La Carriona y Los Canapés, nos meses de marzu, abril y mayu y qu’entama esti niernes en Los Canapés.

Desenvueltu pol equipu d’Avilés Acción, en collaboración cola Fundación Municipal de Cultura, la llínea de la programación dirixese escontra un públicu familiar, con una elección de títulos que sorraya la importancia de la educación en valores.

Foi presentáu esta mañana por Yolanda Alonso, conceyala de Cultura d’Avilés, acompañada por Javier Mediavilla, director d’Avilés Acción. Como resaltó Alonso, “cuntamos nos barrios con equipamientos culturales y el nuesu oxetivu ye rellanzar la so actividá, amontala con propuestes para tolos públicos,  cuantimás la infancia y adolescencia, que aúnen calidá y diversidá de conteníos. Y esti nuevu proyectu, que completa la nuesa ufierta de cine n’Avilés, ye una amuesa”.

Son trés llargumetraxes los que podrán esfrutase, en proyecciones que van tener llugar los vienres a les 18.30 hores, con entrada gratuita y aforu llindáu. Les invitaciones podrán recoyese nos respectivos centros culturales, dende la mañana del miércoles anterior a cada sesión. Coles mesmes, va ser imprescindible facilitar los datos personales de los asistentes (nome y apellíos, DNI y teléfonu). Les sales van cuntar con toles garantíes sanitaries de protección frente a la pandemia del COVID.19.

Programación

  Centru Sociocultural de Los Canapés (Versalles)

12 de marzu. El Principito
16 d’abril. La famosa invasión de los osos en Sicilia 14
de mayu. Onward

Centru Sociocultural de La Lluz

19 de marzu. El Principito
23 d’abril. La famosa invasión de los osos en Sicilia 21
de mayu. Onward

Centru Sociocultural de La Carriona

26 de marzu. El Principito
30 d’abril. La famosa invasión de los osos en Sicilia 28
de mayu. Onward

Más información