Aviles entama 7 nuevos Talleres d’Igualdá con más de 100 muyeres inscrites

Esta selmana entamaron n’Avilés los 7 nuevos talleres programaos pola conceyalía d’Igualdá para los meses d’ochobre, payares y avientu, nos que tán inscrites más d’un centenar de muyeres. Estes actividaes, gratuites, tomen los ámbitos de desenvolvimientu personal, social, psicocorporal y cultural con perspectiva de xéneru.

A lo llargo de los próximos meses, les muyeres participantes nestos talleres van poder realizar tamién visites en grupu, asistir a actividaes entamaes por cuenta de distintes de díes de conmemoración internacionales, participar en charla-coloquio y en conferencies sobro temática d’interés pa les muyeres.

Namái dos de los talleres cunten entá con places llibres: “Viviendo les emociones” y “Les terapies na alcordanza”. Les inscripciones pueden realizase al traviés de dos víes:

• Presencial nes sedes del Serviciu d’Atención Ciudadana
• Plaza d’España 1. Llunes, miércoles y vienres de 8:00 a 14:30 hores. Martes y xueves de 8.00 a 17 hores.
  Centru de Servicios Municipales “El Focu” (C/Santa Apolonia, 126). De llunes a vienres de 8:00 a 14:30 hores
• Online al traviés de http://www.aviles.es/TSAviles/

Por cuenta de les obres que se tán llevando a cabu nel edificiu Fueru, nesta ocasión los talleres van llevase a cabu na aula del Centru de Servicios Universitarios (C/ La Ferrería, 5 y 7) y nel Centru de Estudio Conde Real Presto (C/ Conde Real Presto, 2), y non na Casa d’Alcuentru de les Muyeres como sueli ser habitual.

Ente los meses de febreru y xunu de 2019, los talleres programaos pola conceyalía d’Igualdá y desenvueltos na Casa d’Alcuentru de les Muyeres cuntaron cola participación de 188 muyeres.

Ver programación completa