Fiestes Iniciativa pol Asturianu amuesal so descontentu cola falta dusu de la toponimia oficial y lasturianu en Xixón by asturnet 9 d'ochobre, 2012 Iniciativa pol Asturianu fizo llegar al conceyal responsable de les competencies de política llingüística en Xixón, el Conceyal de Cultura, Educación y Fiestes, Carlos Rubiera, el so descontentu por delles cuestiones específiques alredor del usu del asturianu per parte del Conceyu de Xixón. Ente les cuestiones destacaes, y espuestes éntel Conceyal nel caberu Conseyu Asesor de la Llingua Asturiana, tán la marcha atrás nEMTUSA nel usu de la toponimia oficial nes cabeceres de los autobuses y paraes de los mesmos, onde topónimos oficiales como El Cerilleru o Xove y formes como Feria Muestres desapaecieron volviendo a apaecer les formes castellanizaes que yá nun son oficiales. Iniciativa pol Asturianu presentó una protesta énte EMTUSA esplicando esta cuestión na que soliciten a la empresa que se recupere lusu normal de la toponimia oficial y onde se recuerda questa empresa pública foi puntera siempres nel usu del asturianu, apaeciendo dientro de los autobuses tola cartelería billingüe dende va años, y esperando que nun se dean pasos atrás nesi sen. Per otru llau, Iniciativa pol Asturianu atopó otru casu llamativu de pasos atrás pal usu del asturianu y la toponimia. El certame Xixón de sidra, questi añu dexa nel so llogotipu nun tamañu ínfimu la forma Xixón, a favor de Gijón, cuando non la fai desapaecer, como ocurre nos toneles instalaos en tola ciudá. Lusu del asturianu nun campu siempres tan apegáu al nuesu idioma ye inesplicable pa la organización de reivindicación llingüística. Y soliciten a les conceyalíes responsables, la de Turismu y la de Cultura, quorganicen esti eventu, amás de la empresa contratada, Fenicia Marketing Gourmet, “que tengan en cuenta lusu del asturianu nesta y en futures ediciones, poniéndonos a la so disposición pal asesoramientu nesta cuestión”. Son estos dos exemplos cercanos quamuesen lo que pa Iniciativa pol Asturianu ye “un xeneral ya importante pasu atrás en tola actividá del Conceyu de Xixón” que valoren de forma mui negativa, “pues yá cola anterior alministración veníen produciéndose munches deficiencies nel usu de la toponimia oficial de Xixón, aprobada yá en 2006, y del asturianu, que ta estancáu, cuando non cada vegada más marxináu”. Soliciten al Conceyu de Xixón “quefectúen un usu continuu del asturianu nes sos actividaes”. “Lusu del asturianu nos cartelos de toles actividaes del conceyu, na publicidá, etc. nun supón gastu estra nengún pa les arques del Conceyu, yá que la torna pue facese na so propia Oficina de Normalización Llingüística, y la impresión duna sola versión billingüe nun xenera gastu estra”, espliquen. Amás recuerden qu'”usar lasturianu xenera un arrequecimientu social y cultural pa una ciudá onde ye la llingua duna parte importante de la población y seña didentidá de tolos xixoneses y asturianos”. 9 d'ochobre, 2012 0 FacebookTwitterPinterestEmail
Convocatories Sigue abiertul plazu pal cursu dasturianu de la XLDA y Sestaferia by asturnet 9 d'ochobre, 2012 La Sestaferia Centru Social y Xunta pola Defensa de la Llingua Asturiana entamen un cursu de llingua asturiana (nivel aniciu) en Xixón. El 24 d’ochobre va ser la presentación y entá puede unu apuntase nel teléfonu 985 229 553 o nos correos info@exunta.org y sestaferiaxixon@gmail.com El cursu va dalu la profesora Iris Díaz Trancho na Sestaferia Centru Social, asitiada na Cai Joaquin Alonso Bonet 7, con una duración de 30 hores, sedrá los miércoles de 19 a 21 hores. 9 d'ochobre, 2012 0 FacebookTwitterPinterestEmail
Plástiques Xixón acueye la XXII Amuesa d’Artes Plástiques del Principáu d’Asturies by asturnet 9 d'ochobre, 2012 Del 5 dochobre al 4 de payares de 2012 va celebrase en Xixón una esposición que recueye la XXII Amuesa d’Artes Plástiques del Principáu d’Asturies. El Vieyu Institutu Xovellanos yel llugar escoyíu. L’Amuesa d’Artes Plástiques convócase cada añu pola Conseyería de Presidencia al traviés de la Dirección Xeneral del Institutu Asturianu de la Muyer y Polítiques de Mocedá, dientro del Programa Culturaquí. La esposición de les obres escoyíes vio la lluz na seronda de 2011 na Sala Borrón d’Uviéu y remata el so periplu nel Centru de Cultura Vieyu Institutu de Xixón. La nueva artista Amalia Ulman resultaba ganadora del Premiu Asturies Nuevu d’Artes Plástiques/Amuesa d’Artes Plástiques del Principáu d’Asturies 2011. Amalia Ulman (Mar de Folió-República Arxentina, 1989), ye Llicenciada en Belles Artes pol Central Saint Martins de Londres y foi ganadora del Premiu Astragal 2008 col proyectu Una Palabra. La reflexón sobre’l cuerpu d’una comunidá ocupa’l centru de la práctica artística de Amalia Ulman, una creadora que tien el so interés centráu na definición de la identidá nun tiempu de globalización creciente. Amás, Sandra Estrada Pérez, Ernesto Junco Vega, David Martínez Suárez, Verónica García Ardura y Félix Carpio Moreno fueron escoyíos pa formar parte de la XXII Edición de l’Amuesa d’Artes Plástiques. Nel testu del catálogu, Benjamin Weil, comisariu xefe de Llaboral Centru d’Arte y Creación Industrial y comisariu de la esposición señala qu’esta selección d’obres revela una instantánea del actual estáu de la escena artística asturiana, daqué que, en sí mesmu, yá sería tema pa una esposición. Dalgunos de los seis artistes que los sos trabayos fueron escoyíos anguaño, viven n’Asturies; otros viven n’otres tierres. Toos paecen viaxar y trabayar n’otros llugares, pero toos ellos caltienen, tamién, un fuerte llazu col so país de ñacencia. Nel so conxuntu, estes obres conformen una amuesa colectiva abondo coherente ensin dexar por ello de caltener una fuerte presencia individual. 9 d'ochobre, 2012 0 FacebookTwitterPinterestEmail
Escéniques Danza Xixón 2012 llega pa enllenar la villa de Xovellanos de baille by asturnet 9 d'ochobre, 2012 Esti alcuentru añal de danza que se celebra mientres el mes d’ochobre tien por oxetivu ufiertar una amuesa de producciones nel ámbitu de la danza contemporanea en distintos espacios de la ciudá de Xixón, dando espardimientu a esti llinguaxe. Asina mesmu’l programa compléstase con seminarios específicos pa oficios de la danza y un ciclu de cine onde la danza seya la protagonista. Nesta edición van dase cursos de flamencu, al cargu dElena Santonja Garriga, y contemporaneu, al cargu de Mar López, ente otres actividaes. 9 d'ochobre, 2012 0 FacebookTwitterPinterestEmail
Política El Secretariu Xeneral d’Andecha Astur vien d’entrevistase col Diputáu d’Esquerra Republicana de Catalunya, Joan Tardá. by asturnet 8 d'ochobre, 2012 Arturu Xosé Bermeyu, Secretariu Xeneral d’Andecha Astur, entrevistóse esta fin de selmana col Diputáu d’Esquerra Republicana de Catalunya Joan Tardá, aprofitando la so presencia n’Asturies pa recoyer el gallardón “Pozu Fortuna” en Turón. Demientres la entrevista repasárense estremaos aspeutos de la rialidá de dambes naciones y valorárense les postreres actuaciones del gobiernu central y la forma na que van afeutamos, non solo nel tarrén nacional, sinon especialmente social. Arriendes d’ello valorárense formes y fórmules de collaboración y entamárense prósimos aconceyamientos ente responsables d’Estayes de Trabayu d’Esquerra y Andecha, esperándose prósimes niciatives y novedaes nun plazu prósimu. Asina mesmo, y nel actu cellebráu nel “Pozu Fortuna” polos asesinaos pel franquismu que s’atopen ellí entierraos, tamién hebio ocasión de tratar con responsables de la organización del eventu, a los que se-yos reprochó’l remanamientu españolista d’estos fechos, qu’agora aprofiten pa reivindicar la República española, cuandu los asesinaos son asturianos qu’acababen d’independizase de la República española y que llucharon escontra’l franquismu comu asturianos del Conseyu Soberanu d’Asturies y Lleón. 8 d'ochobre, 2012 0 FacebookTwitterPinterestEmail
Plástiques El Bardu Errante presenta Rapsodia de seronda by asturnet 8 d'ochobre, 2012 El Bardu Errante, alterego artísticu dÁnxel Nava, va presentar laccción Rapsodia de seronda, un Primer Movimientu (a tempo)tituláu lÁrbol del Paraísu. Sedrá esti llunes 8 a les 21 hores nel Paraíso Local Creativo dUviéu, allugáu nel 10 de la cai Paraísu. 8 d'ochobre, 2012 0 FacebookTwitterPinterestEmail
Gastronomía El II Salón Internacional de les Sidres de Gala yá tien web oficial by asturnet 8 d'ochobre, 2012 www.sidresgala.com, esa ye la direición de la páxina web oficial del II Salón Internacional de les Sidres de Gala, na que s’ufierta un averamientu a lo que sedrá esti importante eventu sidreru y que dirá actualizándose de contino, conforme vaigan produciéndose novedaes d’equí al 26 d’ochobre, fecha na qu’entama’l Salón. La web ta tornada al castellán y al inglés y dirá meyorando tanto na so presentación como nos sos conterníos, pero agora mesmo yá ufierta lo más de la información alrodiu d’estes dos xornaes sidreres que se cellebrará el vienres 26 con una Cena Gala (50 ) y el sábadu 27 con una tastia abierta al públicu (5 ) El II Salón Internacional de les Sidres de Gala ta entamáu pola revista La Sidra y la Fundación Asturies XXI, cuntando col sofitu de la Conseyería d’Agricultura y de Xixón Turismu 8 d'ochobre, 2012 0 FacebookTwitterPinterestEmail
Gastronomía Xixón acueye’l II Salón Internacional de les Sidres de Gala los díes 26 y 27 d’Ochobre con una Cena de Gala y una Tastia by asturnet 8 d'ochobre, 2012 Los vinientes 26 y 27 d’Ochobre tendrá llugar nel Hotel Avant Garde de Xixón el II Salón Internacional de les Sidres de Gala. Una oportunidá única pa prebar sidres de tol mundiu que nun son d’escanciar: axampanaes, esplumoses, brut, de nuea espresión, auguardiente o de xelu y que tien el cumal de las programación el día 26 cola cellebración de la Cena de Gala, y el 27 cola Tastia Abierta. La nuechi del vienres 26, a les 21 hores cellebraráse la Cena Gala ellaborada pol prestixosu xef asturianu Javier Loya (estrella Michelín), na que ca platu dirá maridáu con dos sidres estremaes. En ca casu desplicaránse les sos principales carauterístiques organoléptiques. Sigún la organización esta va ser una ocasión única pa prebar la sidre d’una mena estremada a l’avezada que mos permite conocer les carauterístiques más importantes de les sidres y comprobar la so fusión coles propuestes gastronómiques que fadrá’l xef, Javier Loya, que tien la Cena enagora pendiente d’ellaboración en función de les sidres que seyan escoyíes pal maridaxe. La Cena de Gala va ser una propuesta gastronómica especialmente interesante darréu que ca platu dirá maridáu con dos variedaes de sidre estremao, de les que nel intre de ser servíes dirá desplicándose les sos principales carauterístiques. El sábadu 27 tendrá llugar una tastia abierta al públicu con tola sidre participante nesti II Salón Internacional de les Sidres de Gala, procedentes d’una docena países. Tamién se rializarán tasties guiaes de dalgunes d’elles. L’horariu sedrá de 11 a 15 hores pa profesionales del seutor y de 17 a 21 hores pal públicu en xeneral. El preciu ye nel casu la Tastia de 5 y el de la Cena de Gala ye de 50 y el númberu places restrinxíu. Web del Salón Internacional de les Sidres de Gala 8 d'ochobre, 2012 0 FacebookTwitterPinterestEmail
Música La XDLA denuncia la falta de “música n’asturianu” nes fiestes de San Mateo by asturnet 8 d'ochobre, 2012 La Xunta pola Defensa de la Llingua Asturiana (XDLA) dio anuncia del so contactu tanto cola conceyala de Servicios Sociales, Festexos y SOF, Belén Fernández Acevedo, como col director de la SOF, Javier Batalla, pa face-yos llegar la so esmolición porque “nes fiestes de la capital d’Asturies recién acabaes nun actuara nengún grupu de los que tienen l’asturianu como vehículu d’espresión nes sos lletres”, mientres que n’ediciones anteriores de San Mateo “actuaren otros y con gran ésitu de públicu”, espliquen. La XDLA reclama que nes fiestes de San Mateo se cuente colos grupos musicales qu’usen la llingua asturiana nes sos canciones. Paez-yos “que nun hai que dexar de llau, y menos nesti tiempu de crisis, a los grupos qu’apuesten por crear nuna llingua minorizada como la nuestra porque ellos tiénenlo tovía más difícil y les instituciones públiques tán obligaes a velar pol patrimoniu llingüísticu del que son vehículu”. La Xunta quixo tamién facer notar que la presencia del nuestru idioma, en xeneral, en San Mateo 2012 “foi bien probetaya”. La organización denuncia que namás pue tenese en cuenta la representación de la obra “Les Llinguateres” nel Teatru Filarmónica, “y más nada. Nin s’usó en cartelería, nin nos programes, nin na publicidá”, denuncien. 8 d'ochobre, 2012 0 FacebookTwitterPinterestEmail
Sociedá El SIMPA pide disculpes a la sociedá asturiana pola fuelga pero carga les culpes al Principáu by asturnet 8 d'ochobre, 2012 El comité de fuelga del Sindicatu Médicu Profesional d’Asturies (Simpa) asoleó nesti primr día de fuella na sanida asturiana un escritu empobináu a los ciudadanos nel que-yos pide disculpes poles molesties que pueda acarretar la situación, pero culpando dafechu al Principáu. Güei entamaba la fuelga de media xornada prevista pa los díes 8,9,10 y 11 d’ochobre, a la que va siguir otra convocatoria de día completu los díes 24,25,26 y 29. La fuelga faise como midida de protesta ante l’aplicación n’Asturies de l’ampliación de xornada. 8 d'ochobre, 2012 0 FacebookTwitterPinterestEmail