Convocatories La Llaboral entama esti mes les Xornaes de Puertes Abiertes 2013 by asturnet 14 de mayu, 2013 La Llaboral Ciudá de la Cultura consolidóse yá como unu de los centros cultural y turísticu más importantes d’Asturies. Pa conmemorar el so sestu aniversariu trés díes de puertes abiertes pa percorrer los múltiples espacios qu’alluga esti gran complexu. Dende’l Teatru, la Ilesia, los Talleres del Centru de Formación Profesional La Llaboral, el Paraninfu, la Biblioteca de la Facultá de Comerciu, Turismu y Ciencies Sociales “Xovellanos”, el Patiu Corintiu y la Plaza, ensin escaecer la Torre, los Xardinos, el Centru d’Arte y Creación Industrial y les instalaciones de la Radiotelevisión del Principáu d’Asturies. Los díes 24, 25 y 26 de mayu podrá visitase con guía y de baldre, a diferencia del restu l’añu, y conocer tolos espacios qu’atesora La Llaboral Ciudá de la Cultura. 14 de mayu, 2013 0 FacebookTwitterPinterestEmail
Cine La Semiente proyecta’l documental “Guerrilero Quintana” by asturnet 14 de mayu, 2013 Esti miércoles 15 de mayu a les 20:00h nel Centru Social Autoxestionáu La Semiente, en L’Entregu, va proyectase de la mano del so autor el documental “Guerrillero Quintana” de Luis Felipe Capellín. “Guerrillero Quintana” retrata una parte de la Memoria Hestórica y Antifascista asturiana al traviés d’Adolfo Quintana Castañón, más conocíu como “Quintana”, unu de los guerrilleros antifranquistes asturianos más nomaos. 14 de mayu, 2013 0 FacebookTwitterPinterestEmail
Sociedá El Conceyu d’El Franco llama a los sos habitantes a vistise con traxes andaluces by asturnet 14 de mayu, 2013 El Conceyu d’El Franco organiza la primer edición de la “Feria de Andalucía”, un eventu col que quieren “da-y un toque d’esi coloríu y allegría especial del sur al occidente d’Asturies”. Pa ello, el Conceyu va fomentar el consumu de productos andaluces y anima a los chigres a decorase con motivos d’esti país del sur de la península. Lo más llamativo ye quiciabes la convocatoria d’un “Concurso de Trajes Andaluces”, pa homes, muyeres y neños, “pa incentivar que la xente s’involucre tovía más”, espliquen dende la Conceyalía dirixida pola socialista Geli Iglesias, que na información unviada los medios pide a los ciudadanos que s’animen “a sacar los sos traxes de llunares o a diseñalos de la forma mas orixinal”. La 1er Feria d’Andalucía va celebrase n’A Caridá esti 18 de mayu, con talleres de flamencu, abanicos y espaciu pa les persones que quieran averase a la feria a caballu. 14 de mayu, 2013 0 FacebookTwitterPinterestEmail
Música Convóvase’l XIV Concursu de gaita pa menores de 21 años del conceyu de Bimenes by asturnet 13 de mayu, 2013 El Conceyu de Bimenes ta acabante convocar una nueva edición del so concursu de gaita. El requisitu imprescindible pa poder participar nel mesmu ye ser menor de 21 años a fecha 30 de xunu de 2013. El plazu papuntase, apurriendo la documentación afayadiza al Conceyu de Bimenes, acabal 20 de xunu a les 1200 hores. El concursu tendrá, si el númberu de participantes ye mayor de quince y asina lo decidel xuráu, una fase semifinal que se cellebrará na Casa la Cultura de Santuyanol sábadu 29 de xunu. La final celebraráse una selmana dempués, sábadu 6 de xunetu, nun llugar entá por afitar. Repartiránse 600 euros en premios, pa los trés primeros clasificaos, asina como dellos trofeos. Tola información necesaria pa poder participar nel certame recuéyese nes bases del concursu, na páxina web del Conceyu de Bimenes. 13 de mayu, 2013 0 FacebookTwitterPinterestEmail
Música El primer manager d’Ilegales fai repás a trés décades de “música peligrosa” by asturnet 13 de mayu, 2013 Esti llunes 13 de mayu a les 19:30 nel Vieyu Institutu Xovellanos de Xixón, Fernando Fernández-Guerra, primer manager de los Ilegales, fai una repás a lo llargo de la trayectoria del grupu Ilegales, dientro del ciclu de charres del Xixón Sound Festival. Dende’l so prólogu -Madson- hasta’l so epílogu Magníficos-, la hestoria d’Ilegales -ye dicir, el periplu musical de Jorge Martínez- coincide y condiciona la del pop-rock asturianu de les últimes trés décades asitiándola a gran altor. Nada na escena musical tan auténtico, vital y provocatible (trés peligroses cualidaes) como’l xenuinu productu d’Ilegales. A lo último ¿qué ye’l rock, si non un permanente exerciciu d’arrogancia? 13 de mayu, 2013 0 FacebookTwitterPinterestEmail
Educación Ábrese’l plazu p’apuntase a la Prueba de conocencia de la llingua asturiana de mayu by asturnet 13 de mayu, 2013 La convocatoria de mayu de la Prueba de conocencia de la llingua asturiana, qu’entama l’Academia de la Llingua Asturiana yá tien el plazu de matrícula abiertu. El 25 de mayu de 2013 va facese la prueba semestral n’Uviéu, pudiendo matriuclase hasta’l 23 de mayu nel llar de l’ALLA, asitiáu na cai l’Águila d’Uviéu. Horariu de matrícula: llunes a xueves de 9:00 h. a 15:00 h. y de 16:00 h. a 19:00 h. Vienres de 9:00 h. a 14:00 h. Información completa de la Prueba de Conocencia 13 de mayu, 2013 0 FacebookTwitterPinterestEmail
Sociedá Iniciativa pol Asturianu celebró una charra informativa en Colunga by asturnet 13 de mayu, 2013 La Sala Loreto de Colunga, y dientro d’una presentación de la revista de lliteratura Formientu, foi l’espaciu escoyíu pa una presentación nesti conceyu de la situación de la llingua asturiana y de l’actividá d’Iniciativa pol Asturianu esti vienres pasáu. Inaciu Galán, presidente de la organización, presentó a los participantes nel actu l’actividá llevada alantre por Iniciativa pol Asturianu y dalgunos de los proyectos de futuru, abriéndose darréu un alderique sobre’l futuru del idioma, la necesidá d’implicar al máximu númberu d’asturianos y otres cuestiones venceyaes a la reivindicación de la llingua asturiana. Primero d’esta presentación, celebróse un actu nel que se dio a conocer l’últimu númberu de la revista de lliteratura moza Formientu, na que se presentó la obra d’Alberto Claver Crespo, unu de los autores más mozos de la revista, que lleó los sos primeros poemes nel actu. 13 de mayu, 2013 0 FacebookTwitterPinterestEmail
Sociedá La llingua asturiana tuvo present nes XX Chornadas d’as Luengas d’Aragón by asturnet 13 de mayu, 2013 Esti vienres pasáu Carlos Pulgar, en representación de la Xunta pola Defensa de la Llingua Asturiana (XDLA), intervinó nuna presentación pa describir la situación actual del asturianu tanto nel nivel educativu como nel mediáticu o nel institucional. L’actu celebróse nel Centru Chuaquín Roncal de Zaragoza, dientro de les XX Chornadas d’as Luengas d’Aragón. “Estes xornaes coinciden col intentu qu’estos díes va facer el Gobiernu aragonés de modificar la Llei de Llingües d’Aragón y desactivar les poques midíes que se taben poniendo pa la protección de les llingües d’Aragón”, espliquen dende la XDLA. 13 de mayu, 2013 0 FacebookTwitterPinterestEmail
Mundu Cangas celebra la edición llocal de la Selmana de les Lletres Asturianes by asturnet 12 de mayu, 2013 La Selmana de les Lletres Asturianes sigue dos selmanes dempués en Cangas del Narcea cola celebración de la Sumana de las L.letras Asturianas, na que dende’l 13 al 17 de mayu Cangas va homenaxar a les Lletres Asturianes na quinta edición d’esti eventu, entamáu pola Conceyalía de Cultura y el Serviciu de Normalización Llingüística municipal. Nesta ocasión los eventos van entamar cola apertura de les esposiciones Chispina, pal públicu infantil, y Lasturianu na hestoria na Casa de Cultura. Nesti primer día, a les 20:30, va proyectase tamién una película doblada al asturianu El tercer home, nel Auditoriu de la Casa de Cultura. La música tradicional va ser la protagonista del martes 14 de mayu. Nel teatru Toreno, a les 20:30, va presentase la tesis de Llorián García Gaiteres y panderetos. Xéneru y tresxéneru na música tradicional asturiana y de siguío podrá esfrutase del conciertu de Cantaruxare. El cine vuelve a la Sumana de la L.letras Asturianas el miércoles 15 cola presentación de la obra cinematográfica de Pablo Quiroga, actu que se va desenvolver nel Auditoriu de la Casa de Cultura, a les 20:30 hores. El xueves 16, los soníos tradicionales van envolubrar de nuevu’l teatru Toreno de la mano de los alumnos de quintu de la escuela de música Tradicional de Cangas, que van ufiertar un conciertu a les 20:30. La Sumana de la L.letras Asturianas va pesllase col homenaxe a José Maríai Cabral de Truenes pola so contribución a la tresmisión y pervivencia de la llingua asturiana. L’actu, que se va desenrrollar nel teatru Toreno, a les 20:30, va cuntar amás cola actuación teatral La escuela, representada pol alumnáu d’asturianu del colexu públicu Alejandro Casona, y nél fadráse entrega de los premios del X Concursu de cuentu curtios n’asturianu p’adultos y del V Concursu de cuentos n’asturianu infantil Otilio Álvarez Rodríguez. 12 de mayu, 2013 0 FacebookTwitterPinterestEmail
Mundu La Filoloxía Asturiana presenten nuna esposición sobre investigación n’humanidaes nel Campus del Milán by asturnet 12 de mayu, 2013 La Facultá de Filosofía y Lletres organiza la esposición «La Investigación nArtes y Humanidaes na Universidá dUviéu», que se pue visitar hastal día 31 de mayu del 2013. La esposición tien llugar nel Campus del Milán dUviéu. Nel estragal del Edificiu Departamental, atópense los paneles de los diversos grupos dinvestigación nartes y humanidaes, y nel estragal del Aulariu «A» tán los paneles de los diversos proyectos dinvestigación en marcha agora o nos últimos años. El Seminariu de Filoloxía Asturiana (SFA) ye ún de los grupos dinvestigación presentes na esposición, y, dientro la nuestra Universidá, lúnicu reconocíu nestes árees del saber que trabaya na Filoloxía Asturiana. Tamién tán presentes na esposición cinco proyectos dinvestigación nel campu de la Filoloxía Asturiana, trés dellos adscritos al SFA: el proyectu «Estudiu de la Transición Llingüística na Zona Eo-Navia, Asturies (ETLEN)», dirixíu pol profesor Ramón dAndrés Díaz; el proyectu «Observatoriu Asturianu de Neoloxía (AsturNeo)», cola mesma dirección; y el proyectu «Corpus Xeneral de la Llingua Asturiana», dirixíu pol profesor Xulio Viejo Fernández. Con motivu desta esposición, la Universidá dUviéu edita un llibru electrónicu con tola información sobre investigadores, grupos dinvestigación y proyectos. Na inauguración del actu participaron el Rector de la Universidá dUviéu, la Vicerrectora dInvestigación y Campus dEscelencia Internacional, la Decana de la Facultá de Filosofía y Lletres y la Directora Xeneral dUniversidaes del Gobiernu dAsturies. Llibru asoleyáu con motivu de la esposición 12 de mayu, 2013 0 FacebookTwitterPinterestEmail