Sociedá El Premiu al Pueblu Exemplar d’Asturies 2013 decidirase ente 30 candidatures el próximu 11 de setiembre by asturnet 18 de setiembre, 2013 Treinta candidatures fueron presentaes al Premiu al Pueblu Exemplar d’Asturies 2013 nel so ventiavu cuarta edición, que’l so plazu de presentación de propuestes remató’l xueves 8 d’agostu. El xuráu encargáu de la concesión del Premiu axuntará’l día 11 de setiembre n’Uviéu. La Fundación convoca esti galardón dende 1990 y la so dotación económica ye de venticinco mil euros. El Premiu al Pueblu Exemplar d’Asturies constituyóse a lo llargo de les sos ediciones nuna de les iniciatives de la Fundación de más amplia y meyor acoyida dientro del Principáu, al tar destináu a galardonar al pueblu, aldega, núcleu de población, espaciu paisaxísticu o grupu humanu del Principáu d’Asturies que destacara de manera notable na defensa y caltenimientu de la so redolada natural, ambiental, del so patrimoniu históricu, cultural o artísticu, o tamién na realización d’obres comunales o otres manifestaciones de solidaridad sobresalientes. El Reglamentu del galardón establez que van poder presentar candidatures al Premiu les instituciones, centros culturales, asociaciones de vecinos, entidaes, empreses, según los ciudadanos que lu deseyen. Esta iniciativa de la Fundación constituyó un gran ésitu, al qu’ensin dulda contribúi’l fechu de que SS.AA.RR. los Príncipes d’Asturies alleguen a la localidá premiada pa faer entrega del galardón, lo que-yos dexa conocer más de cerca a les xentes y llugares del Principáu, afondando asina nos oxetivos que s’afitaron al constituyise la Fundación Príncipe d’Asturies. Esti Premiu tien pa S.A.R. el Príncipe d’Asturies un significáu especial, como espresó en distintes ocasiones nos sos discursos por cuenta de la entrega d’esti galardón: Esta iniciativa de la Fundación que lleva’l mio nome, que me dexa cada añu visitar preciosos pueblos, andar caminos, almirar el bellísimo paisaxe d’esta maraviyosa rexón y vivir hores entrañables colos sos habitantes, ye pa mi una esperiencia inolvidable a la que debo dalgunos de les meyores alcordances de les mios visites a Asturies. Gracies al Premiu al Pueblu Exemplar tuvi la ocasión de convivir con asturianos del monte, de la mar y del campu y compartir la so arrogancia y el so ciñu que guardo no más fondo del mio corazón. RELACIÓN DE CANDIDATURES 1.-Asociación Amigos de Cuideiru (Cuideiru) 2.- Santa Marina de Piedramuelle (Uviéu) 3. Candás (Carreño) 4.- Comunidá social de la Fundación Vinjoy (Uviéu) 5.- Poreñu (Villaviciosa) 6.- Viella (Siero) 7.- Movimientu asociativu y vecinal de Boal 8.- Llaín.lapindi/Villapendi-Valle de Turón (Mieres) 9.- Fundación Museo Evaristo Valle (Xixón/Xixón) 10.- Parroquia rural de Rubianu (Grau/Grau) 11.- Centru Asturianu d’Uviéu 12.- Cue (Llanes) 13.- Parroquia de Ciañu y Valle del Samuño (Llangréu/Llangréu) 14.- Valle mineru de La Nueva (Llangréu/Llangréu) 15.- Valdesoto (Siero) 16.- Parroquia rural de Barcia y Leiján (Valdés) 17.- Grupu humanu que trabaya pola recuperación del vinu de Cangas (Cangas) 18.- Espaciu natural educativu Aula Vital-Cuevallagar (Yernes y Tameza) 19.- Suarías (Peñamellera Baxa) 20.- Grau/Grau 21.- Comunidá vecinal de Cuideiru 22.- Comunidá vecinal de Teberga 23.- Santa María del Puertu (Somiedu) 24.- Los vaqueiros d’alzada 25.- Asociación Ástur-galaica d’Amigos del Camín de Santiago (Abres, A Veiga/A Veiga) 26.- Parroquia de Viodo-Peñes (Gozón) 27.- Peḷḷunu /Pelúgano (Ayer) 28.- Colombres (Ribedeva) 29.- Llugones/Llugones (Siero) 30.- El Pullíu (Samartín del Rei Aurelio/Samartín del Rei Aurelio). 18 de setiembre, 2013 0 FacebookTwitterPinterestEmail
Política L’Asturies del sieglu XIX alita en Santiso d’Abres onde IX denuncia que l’alcadesa vota polos sos conceyales by asturnet 17 de setiembre, 2013 L’Alcaldesa de Santiso d’Abres vota nos plenos polos sos conceyales y obliga a la oposición a exercer el so derechu primero que l’equipu de gobiernu. Esa ye la denuncia que vieno acabnte facer el conceyal d’IX de Santiso d’Abres, Pedro Amago, y qu’asitia a Asturies nel caciquismu del sieglu XIX. El conceyal d’IX de Santiso d’Abres, Pedro Amago, alvierte de que ye illegal que María Goretti Quintana usurpe’l derechu individual de cada conceyal del so grupu al votar en nome de los conceyales del PP y obligue a la oposición a votar con anterioridá a los del equipu de gobiernu, en cuenta de facelo simultaneamente. Amago al traviés d’un ruegu presentáu pal plenu d’esti mes indica a l’alcaldesa María Goretti Quintana que cumpla cola llegalidá y dexe de votar en tolos plenos por ella y los sos compañeros. El grupu municipal d’IX denuncia que la práctica habitual de la rexidora de Santiso ye la de votar polos conceyales del so propiu partíu ensin qu’estos tan siquier asientan a les votaciones o a mano alzada. 17 de setiembre, 2013 0 FacebookTwitterPinterestEmail
Política El Mazucu acueye l’homenaxe d’esti añu a los milicianos by asturnet 17 de setiembre, 2013 Esta fin de selmana, el Mazucu allugó un emotivu homenaxe a los milicianos del Exércitu asturianu y a los compañeros vascos y de l’Asturies de Santillana que participaren na defensa d’Asturies frente al facismu español por parte de delles fuercies de la izquierda política asturiana. La memoria hestórica de la heroica resistencia del exércitu asturianu frente a los exércitos facistes español y alemán foi aprofitáu non solo pa reivindicar al Conseyu Soberanu d’Asturies y Lleón felizmente independizáu de la República Española, sinon pa dar un exemplu d’internacionalismu hermanandose colos collacios vascos que tamién participaren na defensa d’El Mazucu, y de los asturianos de l’Asturies de Santillana que fixeren causa común col exércitu asturianu. Un cientu presones participaren nesti emotivu homenaxe, nelq u’hebio una guapa participación dende Larrabetxu, alcaldesa incluyía. 17 de setiembre, 2013 0 FacebookTwitterPinterestEmail
Política Izquierda Xunida presenta la so campaña Non al Fracking by asturnet 17 de setiembre, 2013 Izquierda Xunida presentó la so campaña Non al Fracking pa oponese na cai y nes instituciones a esta Peligrosa técnica pa llograr enerxía y fízolo ayeri llunes pol so responsable federal de Polítiques Enerxétiques d’IX, Adolfo Abarrena, denunciando que “demientres un bon númberu de países refugaron yá o establecieron prórrogues pa la mesma, el Gobiernu del PP, al traviés del ministru d’Industria, José Manuel Soria, apuesta decididamente por ella y paez-y maraviyosa. El responsable federal de Polítiques Enerxétiques d’Izquierda Xunida, Adolfo Abarrena, presentó la campaña estatal NON al fracking que punxo en marcha esta formación en contra del usu d’esta técnica de quebra hidráulica pal llogru de recursos enerxéticos. Nuna rueda de prensa xuntu al coordinador federal, Cayo Lara, Abarrena adelantró qu’IX va llevar la negativa a toles instituciones autonómiques y municipales onde tien representación pa forzar l’alderique y, na midida de lo posible, frenar una técnica peligrosa pa la salú, tóxica y contaminante. Adolfo Abarrena esplicó qu’esta campaña netamente esplicativa, amás del material gráfico y audiovisual creáu a costa fecha pa les redes sociales y les actuaciones polítiques correspondientes nes instituciones, inclúi la movilización na cai a comuña coles organizaciones sociales que se tán movilizando contra’l fracking. 17 de setiembre, 2013 0 FacebookTwitterPinterestEmail
Lliteratura De la Concha nun invita a la Academia a los Alcuentros de Verines porque “l’asturianu nun ye una llingua oficial” by asturnet 17 de setiembre, 2013 L’estudiu y el trabayu llingüísticu y lliterariu nun teníen de ver cola política o eso lleven diciendo’l propiu Victor García de la Concha y los políticos de partíos mayoritarios n’Asturies dende va cuantayá. Pero cada vegada qu’hai que xustificar l’ausencia nun foru de la llingua asturiana dizse lo mesmo “Nun ye oficial”. y por mor d’ello, unos alcuentros lliterarios fechos n’Asturies van tener menos representantes asturianos que gallegos o catalanes. L’únicu representante asturianu va ser Xuan Bello. L’Alcuentru d’Escritores y Críticos de les Lletres Españoles algama la so XXIX edición sol epígrafe ’30 años de creación y diálogu’ y el director del Institutu Cervantes, l’asturianu Víctor García de la Concha, propónse recuperar el so espíritu primitivu», que nun ye otru qu’el d’afondar nel entendimientu de les distintes llingües d’España, pero escaeciéndose de la que sintió a lo llargo de la so infancia nel conceyu maliayu que lu vió ñacer. Asina lo punxo de manifiestu ayeri na presentación en Madrid del programa d’anguaño, un actu nel que tamién participaron el secretariu d’Estáu de Cultura, José María Lasalle, y el poeta Luis García Montero. El Ministeriu d’Educación, Cultura y Deporte y l’Universidá de Salamanca -organizadores del eventu- incorporen a los Alcuentros de Verines a cuatro instituciones representatives de la llingües que se falen en España: l’Institutu Cervantes, el Institut Ramon Llull, el Consello da Cultura Galega y el Etxepare Euskal Institutua, anque nun conviden como institución a nenguna de les representantes de llingües non oficiales, esto ye dexen a la única Academia d’una llingua non oficial n’España, l’asturiana. «Dende l’entamu plantegóse como un alcuentru de les llingües oficiales, y l’asturianu nun tien esa categoría», recordó De la Concha. L’únicu asturianu invitáu va ser Xuan Bello. De la Concha dixo qu’a él, como asturianu, gustára-y cuntar con más escritores de la so rexón ente la nómina d’invitaos, y recordó que «dende’l principiu, de toes formes, cuntóse con escritores asturianos», pero ye incomprensible una delcaración tala, ya que nel programa hai sitiu abondu pa más invitaos d’Asturies y les cuestiones presupuestaries nun puen emplegase como xustificación denguna. Ente los participantes nesti alcuentru, que vio amenorgáu’l númberu de díes y de participantes por motivos económicos y que va tener llugar el 19 y 20 de setiembre, atópense amás de Xuan Bello, José María Merín, Carme Riera, Miren Agur Meabe, Luis García Montero, Miquel de Palol, Soledá Puértolas, Diben Zaldua, Jon Juaristi, Suso de Toru, Luis Antonio de Villena, Luis Mateo Díez o Francesc Serés. 17 de setiembre, 2013 0 FacebookTwitterPinterestEmail
Educación Arranca la programación de les Aules d’Estensión Universitaria n’Uviéu con una ufierta de 460 places by asturnet 17 de setiembre, 2013 La música de David Bowie, la evolución humana, el trabayu como protagonista lliterariu o les técniques arqueolóxiques pa recrear la vida de los antepasaos son dalgunes de les propuestes qu’esti cursu van analizar na Universidá d’Uviéu dientro de les Aules d’Estensión Universitaria. El periodu de matrícula empieza mañana nos seis primeres aules, qu’ufierten más de 460 places n’Uviéu, Xixón y Avilés. Les aules tán abiertes a tol públicu y l’axudicación de places va realizar por rigorosu orde d’inscripción. El vicerrectoráu d’Estensión Universitaria y Comunicación ufierta de nuevu a la comunidá universitaria y la sociedá asturiana una innovadora propuesta d’aules con temátiques tan diverses como la ópera, el derechu, l’arqueoloxía o la lliteratura, a les que como novedá súmase esti cursu l’Aula de Pensamientu Científicu, con un taller sobre evolución. En toles aules participen destacaos especialistes de la institución académica asturiana y espertos en cada materia. Les Aules d’Estensión Universitaria caltienen el modelu de los últimos dos años, qu’escuerre estender la cultura y la ciencia a tola sociedá. Les clases van empezar el próximu mes d’ochobre y dalgunos de los programes estenderánse tol cursu y otros van durar solo un cuatrimestre. Los alumnos de la Universidá d’Uviéu que completen dalgunu d’estos seminarios van poder llograr reconocencia de creitos ECTS. La ufierta pa esti primer cuatrimestre de les AULES d’estensión universitaria 17 de setiembre, 2013 0 FacebookTwitterPinterestEmail
Sociedá Les Parroquies Rurales tan en peligru cola nueva llexislación by asturnet 17 de setiembre, 2013 La Federación Asturiana de Parroquies Rurales (Fapar) propunxo ayer caltener les entidaes llocales menores por considerar importante la so existencia na midida na que contribúin a la meyor prestación de los servicios y competencies municipales, y entienden que la so disolución tendría de ser en tou casu voluntaria y acordies colo dispuesto nes correspondientes lleis autonómiques que les regulen. Los cambios del réxime de les Entidaes Llocales Menores, nomaes tradicionalmente equí como Parroquies Rurales, cuerren peligru porque cola nueva llexislación que se prepara namái van poder crease esti tipu d’entidaes si resulta una opción más eficiente pa l’alministración descentralizada de núcleos de población. L’asociación asoletó esti día una nota de prensa ante’l plazu de presentación d’enmiendes nel Congresu de los Diputaos, qu’acaba’l día 24 de setiembre, al Proyectu de Llei sobre Racionalización y Sostenibilidá de l’Alministración Llocal aprobáu pol Gobiernu. Una nota de prensa onde Fapar entiende que les Parroquies Rurales tendríen de siguir teniendo la facultá d’ufrir tou tipu d’actividaes y servicios n’atención a la so consideración d’alministración más cercana al ciudadanu. 17 de setiembre, 2013 0 FacebookTwitterPinterestEmail
Mundu La delda l’Alministración algama’l 92,6% by asturnet 16 de setiembre, 2013 La delda del conxuntu de les alministraciones públiques n’españa algamó los 947.184 millones d’euros hasta xunetu, nuevu récord históricu, en creciendo nun mes en 4.426 millones d’euros, colo que’l pesu del endeldamientu públicu sobre’l PIB esguila al 92,6%, según datos del Bancu d’España. D’esta forma, la delda supera nun puntu les previsiones del Gobiernu pa tol añu (91,6%). Esti cálculu fíxose con un PIB de 1.022.514 millones d’euros, teniendo en cuenta la evolución económica de los últimos cuatro trimestres, tal que fai’l Bancu d’España. Nel mes de xunetu, la delda pública crez per tercer mes consecutivu dempués de que n’abril se rompiera l’enclín de crecedera que s’empecipiara n’agostu de 2012 y l’endeldamientu de les alministraciones públiques amenorgara nesi mes en más de 8.800 millones d’euros. 16 de setiembre, 2013 0 FacebookTwitterPinterestEmail
Conceyos L’Ayuntamientu Castrillón convoca una plaza pa especialistes en llingua asturiana by asturnet 16 de setiembre, 2013 L’Ayuntamientu de Castrillóin vien acabante de facer l’a nuncia la selmana pasada d’una convocatoria pala contratación per parte del Conceyu d’un llicenciáu en filoloxía y especialista en filoloxía asturiana destináu, con títulu expedíu pola Universidá d’Uviéu y a xornada completa, a cubrir el serviciu de normalización llingüística nel conceyu. La contratación d’esti especialista lleva tol añu esperándose por parte de les asociaciones culturales del conceyu y aporta ente les crítiques del grupu del PP que camienta que nun ye necesariu. El so cometíu va ser traducir al asturianu folletos y tou tipu de publicaciones editaes pol Conceyu, los rótulos de les dependencies municipales, los discursos institucionales y la web del Valey Centru Cultural, amás de participar n’actividaes extraescolares cola fin d’asesorar a los monitores. La convocatoria ta abierta a lo llargo d’e3sta selmana y los interesaos pueden presentar les sos solicitúes nel rexistru municipal a lo llargo de los próximos diez díes llaborables. Les bases completes de la convocatoria puen descargase na web del conceyu. Catorce ayuntamiento asturianos, ente ellos los d’Avilés y Corvera, yá cunten col serviciu de normalización llingüística. Bases de la convocatoria 16 de setiembre, 2013 0 FacebookTwitterPinterestEmail
Patrimoniu IX reclama la denominación d’orixe pal granu d’escanda by asturnet 16 de setiembre, 2013 El coordinador d’IX visitó’l domingu güei xunta miembros de l’asociación de productores el XIV Certame de la Escanda de Grau y reclamó la denominación d’orixe pal granu d’escanda. El coordinador d’IX Asturies, Manuel González Orviz, reclamó esti domingu nel XIV Certame de la Escanda de Grau, l’aprobación de la denominación d’orixe del granu d’esta cebera como un pasu pa garantizar la so viabilidá futura. El máximu responsable de la formación recordó qu’esa denominación d’orixe protexíu yá fuera solicitada pola asociación de productores (Asapes) pero que’l Principáu tener, dixo, en stand by. Tamos falando d’un productu que se caltuvo hasta’l sieglu XXI. Hai que protexelo nestos momentos de los trexénicos, hai que tratar de consiguir esa denominación d’orixe del granu y, coles mesmes, tener en cuenta qu’hai nestos momentos n’Asturies 33 hectárees en producción ecolóxica, toa ella ye ecolóxica. Tien de faese un esfuerzu per parte de l’alministración del principáu d’Asturies p’avanzar nesa llínea”, aseguró’l coordinador d’IX. Orviz vistió esti domingu’l Certame moscón de la escanda acompañáu por miembros de l’asociación de productores, ente ellos, el so presidente, Falu Estrada, y unu del so vocales, Esteban Vega. Pa el productores, la consecución de la denominación d’orixe ye indispensable pa garantizar la viabilidá d’esta producción nel futuru. 16 de setiembre, 2013 0 FacebookTwitterPinterestEmail