Gastronomía L.lena celebra 60 años de Valgrande-Payares con un Menú by asturnet 14 de xineru, 2014 Un total de 18 establecimientos hosteleros de La Pola van sirvir demientres la fin de selmana de’l 17, 18 y 19 de xineru’l menú especial con motivu del 60 aniversariu de la estación iverniza Valgrande Payares. Los establecimientos que nun disponen de cocina van participar nesta iniciativa ufiertando un pinchu y consumición a un preciu zarráu.La conceyala de Desenvolvimientu Local, Industria, Comerciu y Festexos, Sandra Marineru, esplicó güei que mientres la fin de selmana los establecimientos participantes van ufiertar dos menúes, unu pa la comida y otru pa la cena. Dambos van tener un preciu de 15 euros. Asina, la comida va consistir en fabada asturiana, caldereta de corderu, arroz con lleche, pan y vinu. La cena componer de sopa de mariscu, carrillera, frixuelu, pan y vinu. Los establecimientos hosteleros participantes son los siguientes: Les sidreríes Los Collacios, Mino, Asturies, El Llerón, Les Arenas, La Sierra (namá menú comida), El Mercadiellu (Campumanes), y los restoranes El Carbayu (namá menú comida), San Feliz, El Yomar, Restorán La Carisa, La Boca’l Flaire, el restorán-chigre Tíos, El Filanguiru, Santa Cristina, El Reundu y la vinoteca La Cava (pinchu especial 60º Aniversariu). Les cafeteríes Cueto Negru y Telesilla, en Valgrande Payares, tamién se xunen a esta iniciativa. La conceyala, dempués de l’acoyida que tuvo esta xornada, pretende dar los pasos necesarios pa crear una asociación d’hosteleros nel conceyu, una y bones la propuesta foi valorada de forma positiva ente los asistentes a la xunta pa ellaborar el menú del 60 aniversariu de Valgrande Payares. Marineru esplicó que la creación d’una asociación d’hosteleros ye una espinita que tengo clavada desque asumí’l cargu, y naide meyor qu’ellos saben les necesidaes que tienen, pudiendo asina, llevar a cabo jornada gastronómiques conxuntes ente otres actividaes interesantes pa la hostería y el conceyu. 14 de xineru, 2014 0 FacebookTwitterPinterestEmail
Educación SUATEA refuga les intenciones de la Conseyera d’Educación sobre la convocatoria d’oposiciones na enseñanza pública by asturnet 14 de xineru, 2014 SUATEA refuga les intenciones de la Conseyera d’Educación sobre la convocatoria d’oposiciones na enseñanza pública nuna nota de prensa asoleada darréu de les declaraciones de la conseyera d’Educación a una emisora de radiu, nes que manifestó la so intención de convocar ufierta d’emplegu públicu docente nAsturies, n’abierta contradicción colo que dicía hai menos d’un añu, cuando prefería esperar al desenvolvimientu curricular de la nueva llei d’educación pa saber cuáles sedríen les necesidaes reales de los centros. SUATEA dix desconocer les razones d’esti cambiu de postura y lenfotu de la Conseyera en faer una risible ufierta d’empléu públicu cuando delles comunidaes del nuestru entornu yá manifestaron claramente qu’esti cursu nun va haber oposiciones bel so territoriu. Tamién s’afirmara la necesidá d’una partida presupuestaria curiosa y específica pa sacar allanare la convocatoria, tres la prórroga del Presupuestu na nuesa Comunidá El sindicati entrúgase “¿de qué partida va quitase esi dinero?” y diz que l’efectu llamada ta sirvíu, cuando na nuesa comunidá nun existe ninguna peñera que protexa l’emplegu de quien ta faciendol so trabayu nAsturies. Una convocatoria que SUATEA considera ruina, pola intención de convocar 14 places, que “va suponer la rotación nel emplegu pa miles de docentes que güei tán trabayando o nes listes d’interinos ya intérines”. SUATEA vieno esixendo la convocatoria del 100% de les vacantes ensin cubrir na nuesa comunidá, unes 1500 nos últimos años, lo que ta suponiendo de fechu la destrucción d’emplegu públicu y amenorgar de l’atención al alumnáu asturianu. A SUATEA abulta-y r”aru l’interés la Conseyera en poner enriba la mesa una ufierta pública d’emplegu risible, que consideramos una burlla macabra de nefastes consecuencies pa la Escuela Pública asturiana y que cunta col refugu de la inmensa mayoría del profesoráu y los sos representantes”. 14 de xineru, 2014 0 FacebookTwitterPinterestEmail
Educación IX denuncia la eliminación de les beques d’Hunosa a los fíos de con discapacidá de mineros by asturnet 14 de xineru, 2014 El coordinador d’IX, Manuel González Orviz, denunció güei la eliminación per parte d’HUNOSA de les beques d’estudiu a fíos con discapacidá de los sos trabayadores, y que va suponer dexar ensin estes ayudes a 42 persones. La decisión de la empresa pública supon un nuevu varapalo a la protección de los menores y de sofitu a la formación d’estudiantes con dalgún tipu de minusvalía. La dirección de la compañía comunicó va dos selmanes al comité intercentros la decisión qu’implica, amás, incumplir l’alcuerdu suscritu colos representantes de los trabayadores pa la implementación d’estes ayudes, tal que se venía faciendo hasta ágora. González Orviz dixi que suprimir les beques demuestra la escasa sensibilidá del Executivu de Mariano Rajoy: Entendemos que tratar de retirar 42 ayudes a fíos de trabayadores con discapacidá, ye una mala midida y lóxicamente nun nos va sacar de la crisis. Izquierda Xunida, anunció’l so coordinador, va esixir al Gobiernu Central qu’esclarie si la decisión d’esaniciar les ayudes n’HUNOSA forma parte de dalgún plan d’ámbitu nacional y si afecta a otres empreses y entidaes públiques. 14 de xineru, 2014 0 FacebookTwitterPinterestEmail
Sociedá Xineru na Semiente sirve de presentación a “La Madeja” by asturnet 14 de xineru, 2014 Esti Xueves 16 a les 20:00h Na Semiente , en L´Entregu , presentase el numberu 4 la revista feminista LA MADEJA a cargu de Ana Garcia e Irene Sanchez Choya cola intención de tratar un tema que suel ser bastante invisible : los amores (y desamores) nos movimientos sociales . Y ye que, como se dix na convocatoria del actu, “estos sotienense en gran parte a redes afectives , pero ¿Sabemos vivir en colectivu? , ¿nun taremos reproduciendo munches vegaes aquello que diximos denunciar : Xerarquies , machismu, racismu , violencia….? . ¿como construir “refuxios” , espacios pal alcuentru, la creación y la ayuda mutua ?, ay los cuidaos que importantes son …” 14 de xineru, 2014 0 FacebookTwitterPinterestEmail
Sociedá Convocada pal próximu 25 de xineru la preba semestral de conocencia de l’Academia de la Llingua by asturnet 14 de xineru, 2014 Como tolos años a estes altures, lAcademia de la Llingua Asturiana, sabiendol fondu interés de munches persones de llograr que se reconoza la so conocencia de la llingua y manifestar asinal so fondu amor al idioma asturianu, fai la primer convocatoria añal pa poder evaluar diches conocencies. Nesta primer convocatoria la preba va celebrase’l 25 de xineru de 2014 y el plazu de matrícula pa la mesma ye del 13 al 23 de xineru. Nesi sen, da anuncia de les sos iniciatives pa conocimientu general: Nos meses de xineru y mayu celébrense les pruebes, abiertes a toles persones interesaes. Unos quince díes enantes de les pruebes abreseun plazu de matrícula.Y a les persones declaraes aptes nes pruebes citaes, lAcademia dará-yos un documentu onde safite la conocencia nel nivel 1 o básicu según calces siguíos por esta Institución. Les persones que nun superen les pruebes del nivel 1 podrán presentase a nueves convocatories toles vegaes que-yos puya. Pal bon resultáu destes pruebes habrá tenese un dominiu básicu de les estayes que vienen darréu: a. ESTAYA LLINGÜÍSTICA a.1. Teoría gramatical: conocencia y dominiu del funcionamientu gramatical del asturianu y de la normativa académica. a.2. Práutica escrita: emplegu amañosu de la llingua, puestu en práutica gracies a exercicios gramaticales y de composición escrita. a.3. Práutica oral: emplegu faláu de la llingua, nuna situación real o imaxinaria, que se va valorar nuna conversación colos miembros del xuráu calificador. b. ESTAYA DE LLINGUA Y SOCIEDÁ Conocencia del allugamientu de la llingua dientro de la sociedá asturiana asina como del procesu de normalización en que ta inxerta. 6. La prueba va tener dos partes, una escrita (dictáu, torna, exercicios gramaticales, redaición) y otra falada (conversación). Resulta imprescindible conocer les xeneralidaes gramaticales de la llingua asturiana y los aspectos básicos de la so normativa ortográfica (Normes ortográfiques, ALLA, Uviéu, 2012, 7ª ed.; Gramática de la Llingua Asturiana, ALLA, Uviéu, 2008, 3ª ed. reimpresión). Asina mesmo, aconséyase la llectura de testos fechos acordies cola normativa, como los asoleyaos por esta Academia. 14 de xineru, 2014 0 FacebookTwitterPinterestEmail
Sociedá Andecha pide la intervención del Principáu nel casi de la Fundación Gustavo Bueno by asturnet 14 de xineru, 2014 Andecha Ástur considera que los nicios d’un delitu de responsabilidá cuntable na xestión de la sovención de 800.000 euros concedida pol Conceyu d’Uviéu a la Fundación Gustavo Bueno pa la organización de Uviéu doce sieglos, dixebradamente de les responsabilidaes llegales quello pueda acarretar, desixe la intervención imediata del Principado al traviés del Patronatu de Fundaciones, asina comu la toma de midíes per parte del Conceyu d’Uviéu bloquiando de forma cautelar cualisquier tipu d’aída o sovención a la mentada Fundación en tantu nun s’esclarien satisfactoriamente les inregularidaes deteutaes. 14 de xineru, 2014 0 FacebookTwitterPinterestEmail
Sociedá El grupu AESEX entama unes xornaes sobre derechos sexuales “a pie de cai” esti mes en Xixón by asturnet 14 de xineru, 2014 El grupu AESEX formáu poles asociaciones asturianes pola educación sexual entama unes xornaes sobre derechos sexuales a pie de cai, que van celebrase’l 23 de xineru de 2014 nel Centru de Cultura Antiguu Institutu de Xixón. La inscripción ye gratuita y puede facese al traviés de la web del Conseyu de la Mocedá. El programa d’estes xornaes que se desenvuelven a lo llargo d’un día qy’l que vien darréu: o 10:00- 10:30 Presentación ya inauguración de la Xornada o 10:30-11:30 Sexualidá, capacidaes diverses. o 11:30-12:30 Descansu o 12:00-13:00 Vides sexuaes nes redes sociales o 13:00-14:00 Identidaes dixitales ya interacción ente moces. o 16:00-17:00 “Derechos sexuales a cuerpu de cai”: Esposición de datos dende distintos ámbitos d’actuación: sanidá, educación y servicios sociales. o 17:00-18:30 Grupos de discutiniu Derechos y retayos sanitarios – Derechos y retayos en servicios sociales – Derechos y retayos n’educación o 19:00-19:30 Puesta de mancomún/reflexón grupal. o 19:30 Flashmob 14 de xineru, 2014 0 FacebookTwitterPinterestEmail
Mundu Günter Grass anuncia so retiru by asturnet 14 de xineru, 2014 El Premiu Nobel de Lliteratura, Günter Grass, de 86 años, dio por zarrada la so obra narrativa por cuenta de la so avanzada edá, en marcando más de mediu sieglu la vida cultural n’Alemaña. L’anuncia fízola nuna entrevista al diariu rexonal Passauer Neue Presse, de la que se dio a conocer un estractu esto día. La causa del retiru ye l’estáu de salú del autor que nun lu dexa concebir proyectos de cinco o seis año, que sería la condición pal trabayu d’investigación pa una novela, sigún los sos cálculos. L’autor de títulos como “El tambor de lata” y “El rodaballo”, dedicose tamién al dibuxu y a l’acuarela, “tres un periodu nel que taba bloquiáu por causa de frecuentes hospitalizaciones”. Conocíu polos sos convencimientos polítiques social-demócrates, Günter Grass amenó una viva polémica con Israel nel añu 2012 al publicar un poema en prosa, nel cual afirmaba que l’Estáu hebréu amenaciaba la paz mundial al querer atacar a Irán. 14 de xineru, 2014 0 FacebookTwitterPinterestEmail
Patrimoniu Los Ecoloxistes piden midíes urxentes pa coles quemes forestales by asturnet 10 de xineru, 2014 La Coordinadora Ecoloxista vieno acabante d’esixir a la Conseyería de Agroganaderia del Principáu’l que se tomen midíes yá, contra les numberoses quemes forestales que se vienen produciendo en peracabar selmana coincidiendo con unes elevaes temperatures y el vientu sur. Solamente ayeri hubo mas de 60 quemes, sobremanera nel oriente asturianu. A pesar de les escepcionales condiciones meteorolóxiques d’estos díes, el Principáu nun punxo en marcha los mecanismos de prevención habituales cuando l’Índiz de Riesgu Forestal tendría de ser 4 o 5 (bien altu), mientres estos díes púnxose l’Índiz de Riesgu Forestal 1 (el mas baxu) pa sorpresa de los excoloxistes, y nun s’activo’l plan d’emerxencies, a pesar de que llevamos dellos díes con munches quemes. Ante’l silenciu informativu, la Coordinadora Ecoloxista denuncia que fueron numberoses les quemes, con cantidaes importantes p’haber tomáu midíes escepcionales, nun siguir con un Índiz de Quemes 1, “lo qu’amuesa la falta de rigor del Gobiernu Asturianu nos niveles de quemes forestales, que nun sabemos si debe a la falta de capacidá, o de presupuestu pa movilizar al personal en materies de prevención y vixilancia que traería un Índiz cimeru a 3 con estes condiciones climátiques actuales”. 10 de xineru, 2014 0 FacebookTwitterPinterestEmail
Patrimoniu N’Ast denuncia que’l Principáu torga la participación popular nel alderique sobre’l Reglamentu de Patrimoniu Cultural by asturnet 10 de xineru, 2014 LAsociación Cultural NAST quier denunciar públicamente quel Gobiernul Principáu ta acabante de sacar a esposición pública y periodu daltriques el Reglamentu de Patrimoniu Cultural con doce años de retrasu la Llei de Patrimoniu foi aprobada en 2001 y quamás fízolo en plenes feches navidiegues col enfotu de torgar lo más posible la participación de la xente dificultando asinal drechu a alegar. Pa NAST, la tramitación del Reglamentu de Patrimoniu Cultural ye un exemplu más del pocu respetu y nulu interés del Gobiernul Principáu en que los asturianos puedan participar na tramitación de les lleis y documentos que-yos afecten, nesti casu un reglamentu básicu pa la defensa de los elementos culturales dAsturies, anque tamién ye verdá que tampoco da munchu más, viendo la dilixencia cola que se vien aplicando la Llei de Patrimoniu dende 2001 y el procuru que los socesivos gobiernos del PSOE tuvieron pa cola cultura asturiana, en xeneral, y el patrimoniu, en particular. Por último, NAST quier remembrar que nin siquiera se va poder conocer pronunciamientu dalgún dAna González, Conseyera dEducación, Cultura y Deporte, sobrel mentáu reglamentu nin sobrel retrasu de doce años en sacalu a esposición pública enantes de quacabel periodu daltriques gracies al alcuerdu algamáu ente PSOE, PP, IU ya UPyD pa que nun heba plenos cada selmana nesti mes de xineru. 10 de xineru, 2014 0 FacebookTwitterPinterestEmail