Asina ye l’esperáu tráiler de ‘Spider-Man: Homecoming’

Si en Capitan América: Civil War pudimos albidrar cómo diba ser el nuevu Spider-Man, el esperadísimo tráiler sobre la película en solitariu del superhéroe arácnidu yá nun nos dexa duldes de per ónde van dir los tiros.

Tom Holland, el mozu protagonista de Lo imposible, metióse agora na piel d’un héroe adolescente, con munches duldes, en bona forma y tamién dotáu d’enforma humor en Spider-Man: Homecoming.. A lo llargo de dos minutos, esta meyora preséntanos a un mozu que tendrá d’atopar l’equilibriu ente Peter Parker y al simpáticu héroe qu’encarna. La idea del director John Watts ye la de centrase na so vida como adolescente, la so dómina d’estudiante, los sos amigos y el papel importante que va desempeñar Tony Stark como mentor.

Nesta nueva producción vamos cuntar con un Micheal Keaton como Utre, el villanu de la función; Marisa Tomei repite como tía May, Zendaya va ser quien va robar el corazón de Peter y tamién van apaecer Donald Glover, Tyne Daly y Jon Favreau, amás de la presencia estelar de Robert Downey Jr como Tony Stark.

Producida por Marvel Comics y Sony Pictures, Spider-Man: Homecoming ye’l tercer reiniciu de Spider-Man nel cine tres les cintes protagonizaes por Tobey Maguire y Andrew Garfield. La fecha d’estrenu ta programada pal 7 de xunetu del 2017.